काठमाडौं- अर्को महिना युनाइटेड अरब इमिरेट्स (युएई) मा हुने आईसीसी विश्वकप लिग–२ को त्रिकोणात्मक सिरिजको लागि नेपाल क्रिकेट संघ क्यानले २० खेलाडीलाई बन्द प्रशिक्षणमा बोलाएको छ।
मार्च तेस्रो साता नेपाल, युएई र पपुवा न्यू गीनीबीच हुने त्रिकोणात्मक ओडिआई सिरिजको लागि क्यानले आइतबार २० खेलाडीलाई बन्द प्रशिक्षणमा बोलाएको हो।
बन्द प्रशिक्षणमा कप्तान सन्दीप लामिछानेसहित पूर्वकप्तान ज्ञानेन्द्र मल्ल, पूर्वउपकप्तान दिपेन्द्रसिंह ऐरी, कुशल भुर्तेल, आरिफ शेख, आसिफ शेख, कमलसिंह ऐरी, विवेककुमार यादव र सागर ढकाललाई बोलाइएको छ।
यस्तै, गुलशन झा, करण केसी, विनोद भण्डारी, रोहितकुमार पौडेल, सोमपाल कामी, विक्रम सोब, भीम सार्की, पवन सर्राफ, सुशन भारी, राजु रिजाल र अनिलकुमार शाहलाई बोलाइएको छ।
यसअघि आईसीसी टी२० विश्वकप ग्लोबल छनोटका लागि ओमान टुरमा गएका कुशल मल्ल र जितेन्द्र मुखियालाई भने बोलाइएको छैन।
क्रिकेट साइट क्रिकबजका अनुसार नेपालले पपुवा न्यू गिनीसँग खेल्दै सुरुआत गर्नेछ। उक्त खेल मार्च १६ मा शारजहा क्रिकेट मैदानमा हुनेछ। यस्तै, दोस्रो खेल नेपालले युएईविरुद्ध मार्च १८ मा दुबई इन्टरनेशल क्रिकेट स्टेडियममा खेल्नेछ। नेपालको तेस्रो खेल युएईविरुद्ध नै मार्च २१मा दुबई इन्टरनेशल क्रिकेट स्टेडियममा खेल्नेछ।
नेपालले अन्तिम खेल पपुवा न्यू गिनीविरुद्ध मार्च २२ मा दुबई इन्टरनेशल क्रिकेट स्टेडियममा खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1758539596-1762682671.jpeg)
-1764146706.png)
