काठमाडौं- आईसीसी टी–२० विश्वकप छनोटको पहिलो सेमिफाइनल खेलमा नेपालविरुद्ध ब्याटिङ गरिरहेको युनाइटेड अरब इमिरेट्स (युएई)का आक्रामक ओपनर मोहम्मद वासिमले अर्धशतक गरेका छन्।
ओमान क्रिकेट एकेडेमी ग्राउन्ड–१ मा टस जितेर पहिला ब्याटिङ गरिरहेको युएईले यो समाचार तयार पार्दासम्म १४.५ ओभरमा २ विकेट गुमाएर १२७ रन बनाएको छ।
हाल क्रिजमा वासिमले ३२ बलमा ३ चौका र ४ छक्कासहित रन बनाए। उनलाई मोहम्मद उस्मानले साथ दिरहेका छन्। पावर प्लेमा विष्फोटक ब्याटिङको क्षमता राख्ने वासिमले जारी प्रतियोगिताको समूहण चरणको खेलमा जमर्नीसँग ५० रनको इनिङ्स खेलेका थिए।
यता, ओमान, आयरल्याण्ड, युएई र नेपाल सम्मेलित चार देशिय टी–२० आई सिरिजमा ओमानसँग ४४ बलमा ३ चौका र ८ छक्कासहित ८४ रन जोड्दै आउट भए।
नेपालसँगको खेलमा उनी १३ बलमा १ चौका र २ छक्कासहित २२ रनमा आउट भएका थिए।
नेपालका लागि जितेन्द्र मुखियाले पहिलो विकेट लिएका थिए। उनले दोस्रो ओभरको चौंथो बलमा युएईका ओपनर चिराग सुरीलाई ४ रनमै बोल्ड गरे।
विश्वकप छनोट अगाडि भएको ओमान, आयरल्याण्ड, युएई र नेपाल सम्मेलित चारदेशीय टी–२० आई सिरिजमा सुरीले नेपाललाई हराउन ८४ रनको अविजित इनिङ्स खेलेका थिए।
यता, युवा विकेटकिपर तथा ब्याटर वृत्य अरविन्द अर्धशतक बनाउन चुकेका छन्। १९ वर्षीय विकेटकिपर अरविन्दले २३ बलमा ५ चौका र ३ छक्कासहित ४६ रनको आक्रामक इनिङ्स खेले। उनलाई कप्तान तथा लेग स्पिनर सन्दीप लामिछानेले सातौं ओभरको तेस्रो बलमा बोल्ड गरे।
उनी युएईका प्रमुख हतियार हुन्। अरविन्दले विश्वकप छनोटअन्तर्गत समूहण चरणको खेलमा टेस्ट टोली आयरल्यण्डविरुद्ध पनि उत्कृष्ट प्रदर्शन गर्दै गरेका थिए।
आयरल्यण्ड हराउन अरविन्दले ६७ बलमा १३ चौका र १ छक्कासहित ९७ रनको अविजित इनिङ्स खेलेका थिए। यता, बहराइनलाई हराउन उनले ५२ बलमा ६ चौका र ५ छक्कासहित ८४ रनमा अविजित थिए।
विश्वकप छनोटमा जमर्नीसँग ४० रनमा रन आउट हुँदा त्यसअघि ओमान, आयरल्याण्ड, युएई र नेपाल सम्मेलित चार देशिय टी–२० आई सिरिजमा पनि उनले उत्कृष्ट प्रदर्शन गरेका थिए।
आयरल्याण्डविरुद्ध ५० रन बनाएका उनले ओमानसँग १९ रन बनाए। सिरिजअघि ओमानसँग भएको ओडीआई खेलमा अरविन्दले ८९ र ३४ रन बनाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773837959.png)
