काठमाडौं- आईसीसी टी–२० विश्वकप छनोटको पहिलो सेमिफाइनल खेलमा नेपालविरुद्ध ब्याटिङ गरिरहेको युनाइटेड अरब इमिरेट्स (युएई)ले १०० रन पूरा गरेको छ।
ओमान क्रिकेट एकेडेमी ग्राउन्ड–१ मा टस जितेर पहिला ब्याटिङ गरिरहेको युएईले यो समाचार त्यार पार्दासम्म ११ ओभरमा २ विकेट गुमाएर १०२ रन बनाएको हो।
हाल क्रिजमा मोहम्मद वासिम र मोहम्मद उस्मान रहेका छन्। वासिमले अभिनाश बोहोराको १०औं ओभरको अन्तिम बलमा चौका प्रहार गर्दै स्कोर बोर्डमा १०० रन पार गराए।
नेपालका लागि जितेन्द्र मुखियाले पहिलो विकेट लिएका थिए। उनले दोस्रो ओभरको चौथो बलमा युएईका ओपनर चिराग सुरीलाई ४ रनमै बोल्ड गरे।
विश्वकप छनोट अगाडि भएको ओमान, आयरल्याण्ड, युएई र नेपाल सम्मेलित चार देशिय टी–२० आई सिरिजमा सुरीले नेपाललाई हराउन ८४ रनको अविजित इनिङ्स खेलेका थिए।
यता, युवा विकेटकिपर तथा ब्याटर वृत्य अरविन्द अर्धशतक बनाउन चुकेका छन्। १९ वर्षिय विकेटकिपर अरविन्दले २३ बलमा ५ चौका र ३ छक्कासहित ४६ रनको आक्रमक इनिङ्स खेले। उनलाई कप्तान तथा लेग स्पिनर सन्दीप लामिछानेले सातौं ओभरको तेस्रो बलमा बोल्ड गरे।
उनी युएईका प्रमुख हतियार हुन्। अरविन्दले विश्वकप छनोटअन्तर्गत समूहण चरणको खेलमा टेस्ट टोली आयरल्यण्डविरुद्ध पनि उत्कृष्ट प्रदर्शन गर्दै गरेका थिए।
आयरल्यण्ड हराउन अरविन्द्रले ६७ बलमा १३ चौका र १ छक्कासहित ९७ रनको अविजित इनिङ्स खेलेका थिए। यता, बहराइनलाई हराउन उनले ५२ बलमा ६ चौका र ५ छक्कासहित ८४ रनमा अविजित थिए।
विश्वकप छनोटमा जमर्नीसँग ४० रनमा रन आउट हुँदा त्यसअघि ओमान, आयरल्याण्ड, युएई र नेपाल सम्मेलित चार देशिय टी–२० आई सिरिजमा पनि उनले उत्कृष्ट प्रदर्शन गरेका थिए।
आयरल्याण्डविरुद्ध ५० रन बनाएका उनले ओमानसँग १९ रन बनाए।
सिरिज अघि ओमानसँग ओडिआई खेलमा अरविन्दले ८९ र ३४ रन बनाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773837959.png)
