राजविराज– सप्तरीमा २०७४ पुस १७ देखि २०७५ असार ७ गतेसम्मको करिब ६ महिनाको अवधिमा २४ वटा बलात्कारका घटना भएका छन्।
इन्सेक सप्तरीले बिहीबार राजविराजमा आयोजना गरेको ‘मानवअधिकार वर्ष पुस्तक पूर्व समीक्षा गोष्ठी’ मा सो तथ्यांक सार्वजनिक गरेको हो।
इन्सेक प्रतिनिधि मनोहर पोखरेलले प्रस्तुत गरेको समिक्षात्मक प्रतिवेदनमा ६ महिनाको अवधिमा बालिका बलात्कारका २१ र महिला बलात्कारका ३ गरी २४ वटा घटना घटेको उल्लेख छ।
२१ वटा बलात्कारका घटनामा २ वर्षका समेत गरी २२ बालिका पीडित छन्। आरोपितमा १२ र १३ वर्षका ५ बालकदेखि ६५ वर्षीय वृद्धसमेत २८ जना रहेको प्रतिवेदनमा उल्लेख छ।
यसैगरी, महिला बलात्कार र यौन दुव्र्यवहारका समान ३/३ घटनामा ६ जना महिला पीडित भएका छन्। बलात्कार आरोपित ४ जना हाल थुनामा छन्। यौन दुव्र्यवहारका ३ घटनाका ५ आरोपितमध्ये १ धरौटीमा र ४ जना फरार छन्।
एक बालिकालाई बलात्कार गरी हत्या गरेको आरोपमा उनका दाजुलाईसमेत पूर्पक्षका लागि थुना राखिएको छ। बलात्कार प्रयासका ३ घटनामा आरोपितमध्ये २ बालक बालसुधार गृहमा, ३ जना थुनामा र १ जना धरौटीमा रिहा भएका छन्।
यसबीचमा मानवअधिकार हनन्, उल्लंघन तथा ज्यादतिका अन्य घटना पनि उल्लेख्य रुपमा वृद्धि भएको पाइएको छ। त्यस्तै १ महिलाको लाश फेला परेपनि आरोपित फेला परेनन्। आफ्नै परिवारका सदस्यद्वारा दुई पुरुषको हत्या भएको छ। हत्या आरोपित १ जना थुनामा छन् भने दोस्रो घटनाका दुई आरोपित गिरफ्तार भएका छन्।
बालविवाह र बहुविवाहका आरोपित १ भारतीय नागरिक पनि थुनामा रहेको इन्सेकले जनाएको छ। बहुविवाहका २ घटनामध्ये एकमा २ जना धरौटीमा रिहा भए भने अर्को घटनाका फरार आरोपित २ जना विरुद्ध अदालतले म्यादी पुर्जी जारी गरेको छ। गर्भपतनका एक आरोपित धरौटी राखेर तारेखमा रिहा भएका छन्।
विद्यालय तोडफोड गरेको आरोपमा १ जना र शिक्षक कुटपिट गरेको आरोपमा १ जना पक्राउ परेका दुवै धरौटीमा रिहा भएका छन्। त्यस्तै घरेलु हिंसाका १६ मध्ये ६ घटनामा सहमति भएको पोखरेलले जानकारी दिए।
कार्यक्रममा सप्तरीका प्रमुख जिल्ला अधिकारी सुरेन्द्र पौडेल र प्रहरी उपरिक्षक मुकेश कुमार सिंहले घटनाका प्रकृति हेर्दा अत्यन्तै दर्दनाक रहेको बताउँदै दोषीलाई कुनै पनि सर्तमा कारबाहीको दायरामा ल्याउने र पीडितलाई न्याय दिलाउने प्रतिवद्धता जनाए।
8 नैतिक रुपमा स्खलित हुँदै गएको र लागूपदार्थको सेवन, सामाजिक सञ्जालको दुरुपयोग लगायतका कारणले अपराध बढिरहेको भन्दै पौडेलले यस्ता घटना न्यूनिकरणका लागि नागरीक 8 र राजनितिक दल थप जिम्मेवार हुनुपर्ने बताए। ‘प्रहरी÷प्रशासन जिम्मेवार छ, नागरीक 8 र राजनितिक दल थप जिम्मेवार हुनुपर्यो,’ उनले भने, ‘शान्ति, सुरक्षा र अपराध नियन्त्रणका लागि स्रोत, साधन र जनशक्तिको उपलब्धताका आधारमा हाम्रो तर्फबाट पूर्णरुपमा काम हुन्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
