काठमाडौं- नेपाल उद्योग वाणिज्य महासंघका अध्यक्ष शेखर गोल्छाले अमेरिकी सरकारको सहायता कोष मिलेनियम च्यालेन्ज कर्पोरेसन (एमसीसी) कार्यान्वयन गर्न आवश्यक रहेको बताएका छन्।
नेपाल आर्थिक पत्रकार समाज (नाफिज)ले बुधबार आयोजना गरेको कार्यक्रममा बोल्दै गोल्छाले एमसीसी देश विकासको हितमा भएको बताए। उनले यस्तो अवसर पटक-पटक नआउने भएकाले अवसरलाई नगुमाउन सरकारलाई आग्रह गरे।
उनले कोरोना महामारीबाट थलिएको अर्थतन्त्रलाई पुनरोत्थान गर्नका लागि सरकारले साना उद्योग व्यवसायीलाई पहिलो प्राथमिकतामा राख्न आवश्यक रहेको पनि बताएका छन्।
पछिल्लो समय विकास खर्च ट्रेजरीमा गएर थुप्रिएका कारण बजारमा तरलताको समस्या देखा परेको उनकाे भनाइ छ। यसलाई कसरी बजारमा ल्याउन सकिन्छ त्यसमा राष्ट्र बैंकले व्यवस्थापन गर्नु पर्ने गोल्छाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
