एमसीसीको 'ओरजिनल' सहमतिमा फर्कौं : प्रचण्ड

राजनीति

नेपाल लाइभ बुधबार, मंसिर ८, २०७८ १२:४५

काठमाडौं- नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसीमा लुकिछिपी केही पनि नहुने बताएका छन्। बुधबार धनगढी विमानस्थलमा पत्रकारहरुसँग कुरा गर्दै उनले राष्ट्रिय सहमति बनाएर मात्रै यस विषयमा निर्णय लिने बताए।

सबै प्रमुख राजनीतिक दलहरु, वरिष्ठ सम्पादक र पत्रकारहरु, बुद्धिजीवी तथा नागरिक आन्दोलनमा लागेकाहरुको पनि राय सल्लाह लिएर राष्ट्रिय सहमति बनाएर अगाडि जानेतिर आफूहरुको प्रयास हुने उनले बताए। अघिल्लो हप्ता नेपाल भ्रमणमा आएका अमेरिकी सहायक विदेशमन्त्री लगायतको डेलिगेसनमा पनि आफूले सोही कुरा बताएको उनको भनाइ छ।

प्रचण्डले अमेरिकी सहायक विदेशमन्त्री डोनल्ड लुसँग खुला वातावरणमा कुरा भएको बताए। आफूले एमसीसी प्रोजेक्ट विवादमा पर्नुपर्ने नभए पनि विवादित भएको बताए। आफूहरुले एमसीसीसँग गरेको ओरजिनल सहमति नै अगाडि बढाइएको भए अहिले विवादमा नपर्ने उनको धारणा छ। 'पछिल्लो सरकारले पत्राचारद्वारा अर्को सहमति गरेर प्रतिनिधि सभामा लगेर अनुमोदन गर्ने भनेपछिपछि थपिएपछि विवाद बढ्दै गयो। जनताको चिन्ता बढ्दै गयो। त्यसैले ओरिजिनल सम्झौतातिरै फर्किँदा के हुन्छ? भन्ने एउटा प्रश्न छ,' उनले भने।

एमसीसीसँग सम्झौता तत्कालीन कांग्रेस र माओवादी सम्मिलित सरकारले गरेको थियो। तर पछि केपी ओली नेतृत्वको सरकारको पालामा प्रतिनिधि सभाबाट अनुमोदन हुने प्रावधान राखिएको थियो।

प्रचण्डले एमसीसीका सन्दर्भमा जनताको मनमा जे प्रश्न उठेका छन्, त्यसलाई सम्बोधन गर्ने तरिकाको खोजी पनि जरुरी भएको बताए। ती प्रश्नहरुको जवाफै नदिइकन जबर्जस्ती गर्ने भन्ने हुन नसक्ने उनले बताए।

उनले अमेरिकाले दिने ऋण वा अनुदान सहयोग नलिने भन्नेमा नेपालको नीति कहिल्यै नभएको बताए। 'झन्डै ७५ वर्ष पुरानो सम्बन्ध छ। विभिन्न खालका सहयोग र सम्झौता भएका छन्। हामीले तिनलाई स्वागतै गरेका छौं। नेपाली जनताले तीनलाई उपभोगै गरेको छ। अहिले पनि यो अनुदान नलिने, फिर्ता लैजाऊ भन्ने हामी कसैको पनि छैन। तर यस विषयमा उठेका प्रश्नको सही जवाफ चाहिन्छ भन्ने कुरा हो,' उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना