उदयपुरमा अज्ञात व्यक्तिको छुरा प्रहारबाट एक महिला घाइते

ब्लग

नेपाल लाइभ मंगलबार, असार ५, २०७५ ०५:४६

गाईघाट– उदयपुरको बेलका नगरपलिकामा अज्ञात व्यक्तिको छुरा प्रहारबाट एक महिला घाइते भएकी छिन्।

बेलका–९ कमलाबारीका अमर दर्जीकी श्रीमती ३० वर्षीया लक्ष्मी परियारमाथि सोमबार राति छुरा प्रहार भएको हो। १३ वर्षका छोरा र ४ वर्षकी छोरीसँगै सुतिरहेको अवस्थामा उनीमाथि छुरा प्रहार भएको प्रहरीले बताएको छ। पीडितका पति वैदेशिक रोजगारका लागि साउदी अरबमा छन्।

छुरा प्रहारबाट परियारको देब्रे कोखामा गहिरो चोट लागेको छ। घाइतेलाई उपचारका लागि राति नै धरानस्थित विपी कोइराला स्वास्थ्य विज्ञान प्रतिष्ठानमा भर्ना गरिएको प्रहरीले जनाएको छ।

घटनास्थलबाट चक्कु र चप्पल बरामद भएको जनाउँदै अभियुक्तहरुको खोजी भइरहेको इलाका प्रहरी कार्यालय रामपुर ठोक्सिलाले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘एनसेल वुमन आइकन आइसीटी अवार्ड २०२४’ बाट बन्दना शर्मा सम्मानित

अफगानिस्तानमा पाकिस्तानको हवाई आक्रमणमा ४६ जनाको मृत्यु

बालकोट हत्या प्रकरण : स्कुटरको लाइसेन्स लिन आएका कुलप्रसाद परीक्षा नदिई अस्ताए, बुद्ध बुबाआमादेखि परिवारजन शोकाकूल