काठमाडौं– नेपाली कांग्रेसका जिल्ला सभापतिहरुको भेला अगाडि केन्द्रीय कार्यसमितिको बैठक बस्ने भएको छ।
मंगलबारदेखि सुरु हुने जिल्ला सभापतिहरुको राष्ट्रिय भेलाको अघिल्लो दिन सोमबार अपराह्न केन्द्रीय समितिको बैठक हेटौंडामा बस्ने भएको हो। हेटौंडामै हुने जिल्ला सभापतिहरुको भेलाका एजेण्डाहरु तय गर्न केन्द्रीय समितिको बैठक बस्न लागेको प्रवक्ता विश्वप्रकाश शर्माले जानकारी दिए।
जिल्ला सभापतिहरुको भेलामा प्रस्तुत गरिने विधान संशोधनका विषयमा छलफल हुने शर्माले बताए। भेलालाई फलदायि बनाउन बैठक बोलाइएको बताइएको छ। जिल्ला सभापतिहरुको भेला मंगलबारबाट तीन दिनसम्म चल्नेछ। जिल्ला सभापतिहरुको राष्ट्रिय भेला चौथो पटक हुन लागेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
