भारत- भारतका करोडौं देशवासी पाँच दिन प्रकाशको पर्व अर्थात् 'दिवाली' धुमधामसँग मनाएपछि 'सुपर सण्डे'मा खेलिने न्यूजिल्यान्डविरुद्धको खेलमा अफगानिस्तानको जितको प्रार्थना गरिरहेका छन्। टी-२० विश्वकपको समूह-२ अन्तर्गत अफगानिस्तान र न्यूजिल्यान्ड प्रतिश्पर्धा गर्दैछन्। वास्तवमा न्यूजिल्याण्डको हारमा नै 'टिम इण्डिया'को आशा टिकेको छ।
यदि यस खेलमा अफगानिस्तान पराजित भए भारतका लागि सोमबार नामिबियासँग खेलिने खेलको कुनै अर्थ रहँदैन। आईसीसी च्याम्पियनसिपको इतिहासलाई हेर्ने हो भने न्यूजिल्याण्डको प्रदर्शन शानदार छ। उसले धेरै जसो प्रतियोगिताको सेमिफाइनल खेलेको छ। त्यसो त, न्यूजिल्याण्डको टिम निकै सन्तुलित पनि देखिएको छ।
न्यूजिल्याण्डको ब्याटिङ अफगानिस्तानको तुलनामा निकै राम्रो छ। अनुभवी भएका कारण उनीहरु मुश्किल अवस्थामा कसरी खेल्ने भन्नेमा जानकार छन्। नामिबियाविरुद्ध जब बाउन्ड्री लगाउन गाह्रो भइरहेको थियो, उनीहरुले एक/एक रन जोडेर जित हात पारेका थिए।
स्पिनको सहारामा अफगानिस्तान
अफगानिस्तानको टिम न्यूजिल्याण्डभन्दा कुनै क्षेत्रमा राम्रो छ भने त्यो स्पिन नै हो। राशिद खान र मुजिब उर रहमान जस्ता बलरसँग खेल्न कुनै पनि ब्याट्सम्यानका लागि सहज छैन।
न्यूजिल्याण्डको टिमका कप्तान केन विलियम्सनलाई छोड्ने हो भने धेरैजसो ब्याट्सम्यान 'क्वालिटी स्पिन'विरुद्ध खेल्न सक्षम छैनन्। यसकारण अफगानिस्तानको यो स्पिन जोडीले खेल तलमाथि गर्नमा भूमिका खेल्न सक्छ।
यो खेलको अर्को महत्वपूर्ण पक्ष भनेको प्रतियोगिता आबुधाबीमा दिउँसोको समयमा खेल्नु पर्ने छ। त्यसैले यसमा टसको भूमिका महत्वपूर्ण हुने छैन। यसकारण पछि बलिङ गर्ने टिमका लागि पनि जित्ने अवसर हुनेछ।
यस्तो स्थितिमा राशिद खान र मुजिब पूरीले सम्हालिएर बलिङ गर्दा खेलमा प्रभाव पार्न सक्छन्। अब न्यूजिल्याण्डका कप्तान विलियम्सनले यदि टस जिते भने उनले के फैसला गर्छन् भन्ने हेर्नु पर्ने हुन्छ।
अफगानिस्तानलाई जितका लागि न्यूजिल्याण्डको पेस अट्याक टिम साउदी र ट्रेन्ट बोल्टको राम्रो ढंगमा सामना गर्नुपर्नेछ। उनीहरुले यसप्रकारले भिड्न लायक स्कोर बनाउन सक्छन्। यदि उनीहरुले १५० को स्कोर पार गरे भने जितका लागि स्पिन जोडीको तर्फबाट केही गर्ने अपेक्षा गर्न सकिन्छ।
तर, यदी न्यूजिल्याण्डको यसअघिका खेल हेर्ने हो भने, उसले पाकिस्तानविरुद्ध मात्र कमजोर प्रदर्शन गरेको छ। बाँकी खेलमा सफल भएको छ।
पछिल्लो दुई खेलमा भारतको सुधार
पछिल्लो दुई खेलमा भारतको प्रदर्शनमा सुधार आएको छ। टिम इण्डियाले पछिल्लो दुई खेलमा स्कटल्याण्ड र अफगानिस्तानविरुद्ध शानदार खेल्दै गर्दै न्यूजिल्याण्ड र अफगानिस्तानको तुलनामा आफ्नो नेट रन रेट राम्रो बनाएको छ।
यसकारण अफगानिस्तानले न्यूजिल्याण्डलाई पराजित गरे भारतलाई आफ्नो अन्तिम खेलमा नामिबियामाथि जित मात्र आवश्यक हुन्छ। उक्त खेल ठूलो अन्तरले जित्ने दबाब भारतलाई छैन। अफगानिस्तानको टिमलाई यो थाहा छ कि न्यूजिल्याण्डविरुद्ध उत्रिँदा आफ्ना क्रिकेट समर्थकको मात्र होइन सारा भारतको समर्थन हुनेछ। यो समर्थनले खेलाडीलाई राम्रो प्रदर्शन गर्नका लागि मनोबल बढाउन सक्छ। तर, खेल मैदानमा खेलाडीले गर्ने राम्रो प्रदर्शनले मात्र जित्न सकिन्छ।
तर, त्यसअघि अफगानिस्तानले न्यूजिल्याण्डलाई पराजित गर्नका लागि बलिङ मात्र होइन ब्याटिङमा पनि उत्कृष्ट प्रदर्शनको तयारी गर्न आवश्यक छ।
पावरप्लेमा दबाब बनाउन आवश्यक
न्यूजिल्याण्डका लागि अहिलेसम्म ओपनर मार्टिन गुप्टिल र डेरिल मिशेलले राम्रो सुरुआत गरेका छन्। यस बाहेक कप्तान विलियम्सन पनि भरपर्दा ब्याट्सम्यान हुन्।
अफगानिस्तानले यदि यस खेलमा जित्न चाहेको छ भने उसले पावरप्लेमा एक दुई विकेट निकालेर दबाब बनाउन आवश्यक छ। यो काम उसले पेस बलिङको सट्टा स्पिन बलिङबाट गर्न सक्छ। एक पटक पावरप्लेमा विकेट झारेको खण्डमा टिममाथि दबाब बन्नु स्वाभाविक हो।
अफगानिस्तानले यदी आफ्नो पूर्ण क्षमता प्रदर्शन गर्न सकेको खण्डमा न्यूजिल्याण्ड पराजित हुन्छ। अफगानिस्तानले यस ग्रुपको नम्बर एक टिम पाकिस्तानविरुद्ध जस्तो प्रदर्शन गरेको थियो त्यसलाई दोहोर्याउन आवश्यक छ।
पाकिस्तानविरुद्ध उनीहरुले खेल जित्ने अवस्था बनाएका थिए। तर, अन्तिम दुई ओभरमा आसिफले केही छक्का प्रहार गरेर खेलको नक्शा फेरिदिएका थिए। यसको अर्थ उनीहरुले आफ्नो 'डेथ ओभर्स' को बलिङलाई कसिलो बनाउनु पर्नेछ।
पहिलो दुई झट्काले समस्या
टिम इण्डिया पाकिस्तान र न्यूजिल्याण्डविरुद्ध पहिलो दुई खेलमा अपेक्षा अनुसारको प्रदर्शन गर्न नसकेको परिणाम भोगिरहेको छ। वास्तवमा यस समूहका यी तीन टीमलाई नै सेमिफाइनलमा पुग्ने दाबेदार मानिएको थियो।
यी दुई टिममध्ये एकविरुद्ध जितको आवश्यकता थियो। तर, भारतीय बलर र ब्याट्सम्यान दुवैले कमजोर प्रदर्शन गरेका कारण आज आफ्नो बाटो बनाउनका लागि अर्को टिमतर्फ भर पर्नुपर्ने अवस्था बनेको छ।
भारतीय क्याम्पमा मिश्रित माहोल
भारतीय क्रिकेटरलाई थाहा छ कि स्थिति आफूहरुको हातमा छैन। उनीहरुलाई थाहा छ कि मैदानमा कमाल गर्न उत्रिनुअघि अफगानिस्तानको जित जरुरी छ।
यदि अफगानिस्तानले नजिते भारतीय टिमका खेलाडी नामिबियासँग अन्तिम खेल खेल्ने औपचारिकता निभाएर स्वदेश फर्कनका लागि तयार छन्। तर, भारतले सेमिफाइनल यात्रा तय गरे कप्तान विराट कोहलीको आईसीसी ट्रफी जीत्ने सपना पनि पूरा हुन सक्छ।
-बीबीसी हिन्दीमा प्रकाशित मनोज चतुर्वेदीको सामग्रीको भावानुवाद
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
