काठमाडौं- कप्तान लोकेश राहुलले विष्फोटक ब्याटिङमा पन्जाव किंग्सले इन्डियन प्रिमियर लिग (आईपीएल) अन्तर्गत आफ्नो लिगको अन्तिम खेलमा चेन्नई सुपर किंग्सलाई ६ विकेटले पराजित गरेको छ।
जितको लागि १ सय ३५ रनको विजयी लक्ष्य पछ्याएको पन्जावले १३ ओभरमा ४ विकेट गुमाउँदै पूरा गर्यो। यो जितसँगै पन्जावको प्लेअफमा पुग्ने अंक गणीतिय सम्भावना कायमै रहेको छ।
पन्जावका कप्तान राहुल ९८ रनमा अविजित रहे। उनले ४२ बलमा ७ चौका र ८ छक्का प्रहार गरे।
यता, मयंक अग्रवाल १२ र एडेन माक्ररम १३ रनमा आउट भए। चेन्नईका लागि शार्दूल ठाकुरले सर्वाधिक ३ र दीपक चाहर १ विकेट लिए।
त्यसअघि दुबईमा टस हारेर ब्याटिङ थालेको चेन्नईले निर्धारित २० ओभरमा ६ विकेट गुमाउँदै १ सय ३४ रन बनाएको थियो।
चेन्नईका लागि फाफ डु प्लेसिसले सर्वाधिक ७६ रनको योगदान दिए। उनले ५५ बलमा ८ चौका र २ छक्का प्रहार गरेका थिए।
तर, अन्य ब्याट्सम्यानले भने राम्रो प्रदर्शन गर्न सकेनन्। रविन्द्र जडेजा १५ रनमा अविजित रहे। यता, ऋतुराज गायकवाड र महेन्द्र सिंह धोनीले १२/१२ रन बनाए।
पन्जावको लागि अर्शदीप सिंह र क्रिस जोर्डनले २/२ विकेट लिए। मोहम्मद शामी र रवि विश्रोईले १/१ विकेट लिए।
पन्जावलाई प्लेअफमा पुग्न अन्य टोलीको नतिजाले प्रभाव पार्नेछ। १२ अंकनै भएका मुम्बई इन्डियन्स र कोलकाता नाइट राइडर्सले एक/एक खेल्न बाँकी छ। यी दुई टोली मध्य एक टोली विजयी भएमा पन्जाव बाहिरिने छ।
दिल्ली क्यापिटल्स १३ खेलमा १० मा जित र ३ मा हारसहित २० अंकका साथ शीर्षस्थानमा छ। चेन्नई सुपर किंग्स १४ खेलमा ९ जित र ५ मा हारसहित १८ अंकका साथ दोस्रो स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765768760.png)
-1763721444.png)
-1765273665.jpg)
