काठमाडौं– चौथो संस्करणको एभरेष्ट प्रिमियर लिग (ईपीएल) टी–२० क्रिकेटमा आज (सोमबार) दुई खेल हुँदै छन्। कीर्तिपुरस्थित टियू क्रिकेट मैदानमा हुने पहिलो खेलमा काठमाडौं किङ्स–११ र विराटनगर वारियर्स भिड्ने छन्। यो खेल बिहान ९ः३० बजे सुरु हुनेछ।
सन्दीप लामिछानेको कप्तानीमा रहेको काठमाडौं लगातार दोस्रो जित निकाल्न चाहन्छ। काठमाडौंले पहिलो खेलमा साविक विजेता ललितपुर प्याट्रियट्सलाई हराएको थियो।
पाकिस्तानी पूर्व कप्तान शाहिद अफ्रिदी सम्मिलित काठमाडौं बलियो छ। दुई खेलका लागि काठमाडौं आएको अफ्रिदीको आजको खेल अन्तिम हो।
करण केसीको कप्तानीमा मैदान उत्रने विराटनगर भने पहिलो जित निकाल्न चाहन्छ। विराटनगर पहिलो खेलमा चितवन टाइगर्ससँग पराजित भएको थियो।
सोमबारको दोस्रो खेलमा भैरहवा ग्लाडियटर्स र चितवन टाइगर्स खेल्नेछन्। भैरहवा र चितवनबीचको खेल दिउँसो १ः३० बजे सुरु हुनेछ।
शरद भेषावकरको कप्तानीमा रहेको भैरहवा पहिलो जितको खोजीमा छ । वर्षाका कारण आइतबारको पहिलो खेलमा भैरहवाले पोखरा राइनोजसँग अंक बाँडेको थियो।
चितवन लगातार दोस्रो जित निकाल्न चाहन्छ । चितवनले पहिलो खेलमा विराटनगरलाई पराजित गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768372708.png)
-1768370071.png)
-1764146706.png)
-1768288990.png)
