तस्बिर : निमेषजंग राई/नेपाल लाइभ।।
कीर्तिपुर- पवन सरार्फको अर्धशतकमा ललितपुर प्याट्रियटर्सले चौथो संस्करणको एभरेष्ट प्रिमियर लिग (ईपीएल)को उद्घाटन खेलमा काठमाडौं किंग्स ११ लाई जितको लागि १५८ रनको मध्यम लक्ष्य दिएको छ।
टियू किक्रेट मैदानमा टस हारेर पहिला ब्याटिङ्को निम्तो पाएको ललितपुरले निर्धारित २० ओभरमा ८ विकेट गुमाउँदै १५७ रन बनाएको हो।
ललितपुरका लागि पवनले सर्वाधिक ६१ रन बनाए। पवनले ५ चौका र ४ छक्का प्रहार गरे। जारी खेलमा पवनले पहिलो खेलमै अर्धशतक बनाएका हुन्।
कप्तान कुशल भुर्तेलसहित अन्य दुई ब्याट्सम्यानले दोहोरो अंक बनाउन नसकेको स्थितमा आएका पवनले कसिलो ब्याटिङ गर्दै ललितपुरलाई मध्यम लक्ष्यसम्म पुर्याए।
ठूलो सट खेल्ने क्रममा जितेन्द्र मुखियाको पहिलो बलमा कुशल काठमाडौंका विकेटकिपर उल्लाहमान गुर्बजले क्याच आउट भएका थिए।
तर, पवन र योगेन्द्रसिंह कार्कीले कसिलो ब्याटिङ गर्दै बलियो स्थितिमा पुर्याए। १०औं ओभरमा आएका योगेन्द्रसिंहले पवनसँग ६२ रनको साझेदारी गरे।
तर, ठूलो स्कोरतर्फ उन्मुख ललितपुरलाई रोक्न १६औं ओभरमा रयान बर्लले लगातार दुई विकेट लिँदै उनीहरुको साझेदारी रोके।
१६.२ ओभरमा पवनलाई ठूलो सट खल्ने क्रममा बर्लले व्यक्तिगत ६१ रनमा शेर मल्ल हातबाट क्याच गराए। यता, १६.२ उनले २० बलमा ३ छक्का प्रहार गर्दै ३३ रन बनाए। उनलाई बर्लले बोल्ड गरेका थिए।
त्यसअघि पवन र शंकर रानाले५४ रनको साझेदारी गरेका थिए। ९ रन हुँदा ३ विकेट गुमाएको ललितपुरलाई उकास्न आएका शंकर व्यक्तिगत १४ रनमा आउट भए।
उनी २७ बलमा १४ रन बनाउँदै १० ओभरमा ठूलो सट खेल्ने क्रममा जितेन्द्र मुखियाको बलमा विकेटकिपर रहमानउल्लाह गुर्जबबाट क्याच भए।
ललितपुरका रञ्जुङ मिक्यो दोर्जीले १७ रनमा नट आउट रहे। यता नारायण जोसीले १२ रन बनाए। यस्तै,ओशदा फर्नान्डो ४, सन्दुन वीराक्कोडी २ र रशिद खान १ रनमा आउट भए।
काठमाडौंका जितेन्द्र मुखियाले सर्वाधिक ४ विकेट लिए। उनले ४ ओभरमा १८ रन खर्चिए।
यता, गुलशन झा र रायन बर्लले २/२ विकेट लिए। सन्दीप लामिछाने र शाहिद अफ्रीदिले भने विकेट लिन सकेनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
