विराटनगर- प्रदेश नम्बर १ का मुख्यमन्त्री शेरधन राईले आगामी पाँच वर्षभित्र प्रदेशमा पाँच लाख विदेशी पर्यटक भित्र्याइने बताएका छन्।
संस्कृति, पर्यटन तथा नागरिक उड्डयन मन्त्रालयले सोमबार आयोजना गरेको अन्तर्क्रिया कार्यकममा मुख्यमन्त्री राईले प्रदेशमा रहेका धार्मिकस्थल र हिमाली क्षेत्रमा आवश्यक पूर्वाधार निर्माण गरी छिमेकी राष्ट्रका पर्यटकलाई आकर्षित गर्ने बताए।
मुख्यमन्त्री राईले विराटनगर विमानस्थललाई प्रादेशिकरुपमा विस्तार गरेर छिमेकी देशमा हवाई उडान गरी त्यहाँका पर्यटकलाई ल्याउने लक्ष्यका साथ सरकारले काम गरिरहेको जानकारी दिए।
उनले प्रदेश मन्त्रिपरिषद् बैठकबाट विराटनगर विमानस्थलको धावनमार्ग तीन हजार मिटरको बनाउने निर्णय गर्ने जानकारी दिँदै आगामी ६ महिनाभित्र विमानस्थलको विस्तारका लागि आवश्यक जग्गा अधिग्रहण र अन्य समस्या समाधान गर्ने बताए।
अन्तर्क्रिया कार्यक्रममा यस क्षेत्रमा सञ्चालित विभिन्न वायुसेवा कम्पनीको सहभागिता थियो।
कार्यक्रममा प्रदेश १ का सामाजिक विकास मन्त्री जीवन घिमिरे, उद्योग, पर्यटन, वन तथा वातावरण मन्त्री जगदीशप्रसाद कुसियतको पनि उपस्थिति थियो।
अन्तर्क्रियामा विराटनगर विमानस्थलको रनवे विस्तार गरी तीन हजार मिटर पुर्या,उने गुरुयोजना निर्माण गर्ने, कञ्चनबारीदेखि विमानस्थलसम्म स्मार्ट रोड बनाउने, विराटनगरबाट माउन्डेन फ्लाइट सुरु गर्ने, लुक्लाको लागि उडान गर्ने, यस क्षेत्रबाट भारतको पटना, दिल्ली, मुम्बईमा हवाई उडान सञ्चालन गर्ने, नेपाल एयरलाइन्सको उडान संख्या थप्ने आदि निर्णय गरिएको छ। (रासस)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
