काठमाडौं- अर्जेन्टाइन कप्तान बार्सिलोनाका रेकर्ड स्कोरर हुन्। उनले बार्सिलोनाका लागि ६७२ गोल गर्दै १० ला लिगा उपाधि, चार च्याम्पियन्स लिग, सात कोपा डेल रे जितेका छन्।
उनले सबैभन्दा धेरै ६ पटक बालोन डि' ओर उपाधि जितेका छन्। विश्व फुटबलका महान मध्येका एक खेलाडी मेसीले बार्सिलोनामा दुई दशक भन्दा लामो समय विताए। १३ वर्षको उमेरमा सन् २००० मा क्याटलान क्लबको एकेडेमी ला मासियामा आएका मेस्सी त्यसयता बार्सिलोनाका एक अभिन्न सदस्य बने।
एकेडेमीमा आएको ४ वर्षपछि उनी १६ वर्षको उमेरमा बार्सिलोनाको सिनियर टोलीमा पर्न सफल भए। बार्सिलोनामा व्यवसायिक करिअरमा रहँदा ३४ वर्षीय मेस्सीले थुप्रै उपाधिसँगै कीर्तिमानहरु बनाएका छन्। जसलाई भेट्न जो कोही फूटबलरलाई सजिलो छैन।
बार्सिलोनाका लागि उत्कृष्ठ खेल्ने तर अर्जेन्टिनाको लागि नखेल्ने आरोप झेल्ने गरेका मेस्सीले अब त्यो आरोप खेप्न नपर्ने भएको छ। किनकी उनी अब बार्सिलोनामा रहने छैनन्।
खेल पत्रिका मार्काका अनुसार मेसी फ्रान्सेली क्लब पेरिस सेन्ट जर्मेन (पीएसजी) जाने भएका छन्। शुक्रबार कतारका अमिरका भाइले अर्जेन्टाइन स्टारले पीएसजीका लागि हस्ताक्षर गर्न लागेको जनाकारी दिएको मार्काले उल्लेख गरेको छ।
मेसी बार्सिलोनामा रहँदाका १० महत्त्वपूर्ण क्षणलाई यहाँ उल्लेख गरिएको छ।
१. मेसीको पहिलो ह्याट्रिक
मेसीले करिअरको पहिलो ह्याट्रिक निकै महत्वपूर्ण प्रतिस्पर्धामा गरेका थिए।
सन् २००७ मा भएको एलक्लासिको खेलमा युवा खेलाडी मेसीले तीन गोल हानेका थिए। केही डिफेन्डरहरुलाई छक्याउँदै उनले अन्तिम समयमा शानदार फिनिसिङ गरेका थिए। यो त्यस्तो क्षण बन्यो जसपछि उनी चर्चामा रहे।
२. मसीको सबैभन्दा महत्वपूर्ण गोल
१४ वर्षपहिला कोपा डेल रेको सेमिफाइनलको पहिलो चरणमा मेसीले गरेको गोल उनको सबैभन्दा सुन्दर गोलका रुपमा लिने गरिएको छ।
डिएगो म्याराडोनाले १९८६ को विश्वकपमा इग्ल्यान्डविरुद्ध गरेको (नन ह्याण्डबल) गोलसँग तुलना गरिएको उक्त गोलमा मेसीले पाँच डिफेन्डर र किपरलाईसमेत छक्याएर गोल गरेका थिए।
३. मेसीको पहिलो च्याम्पियन्स लिग फाइनल गोल
यदी यसलाई विश्वास गर्ने हो भने, एक समय थियो जतिबेला मानिसहरुले मेसी युरोपमा इंग्लिस क्लबविरुद्ध गोल गर्न सक्छन् भनेर प्रश्न गर्थे। किनकी २००९ को फाइनल अघि इंग्लिस क्लबविरुद्धका १० च्याम्पियन्स लिग खेलमा गोल गर्न उनी बिफल रहँदै आएका थिए।
तर मेसीले आफ्नो पहिलो च्याम्पियन्स लिग फाइनलमा जाभीको क्रसका लागि डि बक्सभित्र सबैभन्दा उचाइमा उफ्रिएर गोल गरे। जुन खेल मेसी भर्सेस रोनाल्डोको रुपमा पहिलो थियो।
त्यसको दुई वर्षपछि उनले युनाइटेडविरुद्ध पुन गोल गरे र उपाधि उचाले। जुन चार मध्ये उनको तेस्रो च्याम्पियन्स लिग उपाधि थियो।
४. आर्सनलविरुद्ध चार गोल
मेसीले उनको करिअरमा पहिलो चार गोल गरेका थिए। त्यो पनि च्याम्पियन्स लिगमा। उनले २०१० को च्याम्पियन्स लिगको क्वाटर फाइनलमा आर्सनलविरुद्ध गरेको प्रदर्शनको चर्चा हुने गरेको छ।
त्यसको दुई वर्षपछि उनले लिभरकुजनविरुद्ध ७ मध्ये ५ गोल गरेका थिए। मेसी च्याम्पियन्स लिगका दोस्रा टप स्कोरर हुन्। उनले १२० गोल गरेका छन्। पहिलो नम्बरमा रोनाल्डो रहेका छन्।
५. बार्सिलोनाको गोल रेकर्ड
मेसीले बार्सिलोनाको गोलस्कोरिङ रेकर्ड २४ वर्षको उमेरमा पूरा गरेका थिए। सन् २०१२ मा ग्रानडाविरुद् गोल गर्दै बार्सिलोनाको पूर्व खेलाडी कासियर रोड्रिगेजको २३२ गोल रेकर्डसँग बराबरी गरे। ह्याट्रिक गरेको खेलमा उनले दोस्रोले रेकर्ड तोडे भने तेस्रोका साथ रेकर्ड बनाएका थिए।
६. एक वर्षमा ९१ गोल
मेसी र रोनाल्डोको उल्लेखनीय गोलका बीच अर्जेन्टाइनले २०१२ मा गरेको रेकर्ड अझै तोडिने सम्भावना न्यून देखिएको छ- १ वर्षमा ९१ गोल गोल।
त्यसका लागि उनले बार्सिलोनाका लागि ७९ र अर्जेन्टिनाका लागि १२ गोल गरे। देश र क्लबका लागि उनले त्यसक्रममा ६९ खेल खेलेका थिए। जुन चौथो बालन डि'अरका लागि पर्याप्त थियो।
७. मेसीले तोडे ला लिगा स्कोरिङ रेकर्ड
अर्को एक रेकर्ड तोड्नका लागि उनले पुन ह्याट्रिक गरे। मेस्सीले तेलमो जाराको २५१ गोल रेकर्डलाई फ्रिकिक मार्फत पूरा गरे, त्यसपछि दोस्रोले रेकर्ड तोडे र तेस्रो गोलले रेकर्ड बनाए। २०१४को नोभेम्बरमा सेभिल्लाविरुद्ध बार्सिलोनाले ५ गोल गरेको खेलमा उनले ह्याट्रिक गरेका थिए। मेसीले ला लिगमा ४७४ गोल गरेका छन्। जुन पुरानो रेकर्ड भन्दा २ सय गोल धेरै हो भने रोनाल्डो भन्दा १५० गोल धेरै।
८. एल क्लासिकोमा ५ सयौं गोल
२०१७ को अप्रिलमा मेसीले एलक्लासिको खेलमा ५ सयौं गोल गरे। इन्जुरी समयमा मेसीले रियलविरुद्ध गोल गर्दै ५ सय गोलको कोशेढुंगा पूरा गरेका थिए।
९. छैठौं पटक बालोन डि' ओर
मेसीले डिसेम्बर २०१९ मा छैठौं बालोन डि' ओर उपाधि जिते। रोनाल्डो भन्दा माथि उपाधि जित्ने क्रममा उनले देश र क्लबका लागि २०१८-१९मा ५४ गोल गरेका थिए।
१०. पेलेको रेकर्ड ब्रेक
गत वर्ष क्लब छोड्ने प्रयासका बाबजुत पनि मेसीले एक महत्वपूर्ण रेकर्ड बनाए। रियल भालाडोलिडविरुद्ध २०२० को डिसेम्बरमा उनले बार्सिलोनाका लागि ६४४ गोल गरे। जुन पेलेले एकै क्लबका लागि गरेको ६४३ को रेकर्ड तोडेर बनाउन पर्याप्त थियो। त्यसपछि उनले त्यो रेकर्डलाई बढाएर ६७२ बनाएका छन्।
बीबीसीको सहयोगमा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766928868.png)
-1764146706.png)
-1766648928.png)
