काठमाडौं– अन्तर्राष्ट्रिय क्रिकेटबाट सन्यास लिएका पारस खड्काले आफ्नो रुची क्रिकेट व्यवस्थापनतिर नै भएको बताएका छन्।
सन्यासबारे जानकारी दिन गरेको पत्रकार सम्मेलनमा उनले आफू २००९ सालमा कप्तान भएपछि क्रिकेट संघमा बसेर गर्न सकिने कामबारे बुझेकाले व्यवस्थापनमा जान चाहेको बताएका छन्। ‘एउटा खेलाडी र कप्तानले खेल संघको महत्व बुझेको हुन्छ। भोलि कोषाध्यक्ष हुँला, अध्यक्ष हुँला, तर मैले मात्र गरेर हुने होइन। टिम चाहिन्छ। सबैले मिलेर काम गर्नुपर्छ।’
उनले तत्काल भने आफूले टिमबारे नसोचेको पनि बताए। व्यवस्थापक बन्न चुनाव जितेर आउनुपर्ने हुनाले चुनौतीपूर्ण रहेको उनी बताउँछन्। ‘जिल्ला, प्रदेश हुँदै आउनुपर्छ। निर्वाचन जित्नुपर्छ। मलाई थाहा छ, यो निकै चुनौतीपूर्ण छ,’ उनले भने।
आज खेलाडीको रुपमा आफूले एक दिवसीय अन्तराष्ट्रिय खेल्ने चाहना पूरा गरेको र अब टेस्ट मान्यता पाउँदा फरक तरिकाले आफूले भूमिका निभाउन चाहेको उनले बताए। व्यवस्थापकको तर्फबाट उचित सहयोग भए नेपाली क्रिकेट अझै राम्रो हुँदै जाने उनको भनाइ छ। ‘नेपाल अझै माथि जानुपर्नेछ, त्यतिखेर मैले केही योगदान गर्न पाएँ भने मेरो लागि गर्वको कुरा हुनेछ,’ उनले भने।
आफूले चाँडै क्रिकेट एकेडेमी खोल्न लागेको पनि उनले बताए। उक्त एकेडेमीलाई केही वर्षमा नै देशभरि पु¥याउने उनको भनाइ छ। आफू स्कुल लेभलको क्रिकेट प्रतियोगितामा लाग्ने योजना रहेको उनले सुनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
