इन्द्रावती तेस्रो जलविद्युत् आयोजना बन्द

पूर्वाधार

नेपाल लाइभ मंगलबार, साउन १९, २०७८ ०६:०३

काठमाडौं– सिन्धुपाल्चोकको मेलम्ची–९ स्थित ७.५ मेगावाट क्षमताको इन्द्रावती तेस्रो जलविद्युत् आयोजनाको उत्पादन पुनः बन्द भएको छ।

असार १ गतेको बाढीले पुर्‍याएको क्षतिपछि पुनर्निर्माण गरी केही दिनअघि सञ्चलनमा आएको आयोजना पुनः बन्द भएको हो।

शनिवारदेखि आएको निरन्तरको बाढीका कारण आयोजनाको ६६ केभीको ३२ र ३३ नंका टावरमा क्षति पुगेपछि विद्युत् उत्पादन पुनः बन्द भएको हो।

सिन्धु खोलामा आएको बाढीका कारण एउटा टावर बगाएको र एउटा भाँचिएको छ। अवस्था सहज भएमा टावर मर्मत गर्न कम्तीमा १५ दिन लाग्ने आयोजनाले जनाएको छ।

बिजुलीको खम्बा, ट्रान्सफर्मर र ११ केभीको लाइनमा समेत क्षति पुग्दा मेलम्ची क्षेत्रमा अहिले विद्युत् अवरुद्ध भएको छ।

नेपाल विद्युत् प्राधिकरण हेलम्बु मेलम्ची वितरण केन्द्रअन्तर्गत मेलम्ची, हेलम्बु, पाँचपोखरी थाङपाल र इन्द्रावतीका धेरै स्थानमा विद्युत् सेवा अवरुद्ध भएको छ।

इन्द्रावती तेस्रो जलविद्युत् आयोजनाको उत्पादन बन्द भएको र बाहुनेपाटी, फट्टे, सिमखेतदेखि तालामाराङ तथा हेलम्बुको ग्याल्थुम, चनौटे, किउललगायत क्षेत्रमा बिजुलीको खम्बा, ट्रान्सफर्मर र ११ केभीको लाइनमा समस्या रहेकाले विद्युत् पुनः सञ्चालन हुन केही समय लाग्ने हेलम्बु मेलम्ची वितरण केन्द्रका प्रमुख माधव न्यौपानेले जानकारी दिए।

बाढीले बाटो तथा पुलसमेत बगाएकाले मर्मतसम्भार र पुनर्निर्माण झनै समस्या रहेको उनले बताए। बैकल्पिक रुटबाट सम्भव भएसम्म विद्युत् पुनः सञ्चालन गर्न प्रयास भइरहेको उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजदेखि एसईई सुरुः पाँच लाख बढि विद्यार्थी सहभागी हुँदै

आजको मौसमः पहाडमा हल्का बर्षा र उच्च हिमाली क्षेत्रमा हिमपातको सम्भावना

बैंकिङ कसुर तथा सजाय विधेयक, २०८० राष्ट्रियसभाबाट पारित