खोप केन्द्रको अनुगमनमा पुगेका प्रधामन्त्री देउवाले भने- सरकारको प्राथमिकता सबैलाई खोप

समाचार

नेपाल लाइभ सोमबार, साउन ४, २०७८ ११:०५

काठमाडौं- प्रधानमन्त्री शेरबहादुर देउवाले सरकारको प्राथमिकता सबैलाई कोरोनाविरुद्धको खोप भएको बताएका छन्।

सोमबार नेपाल अर्थोपेडिक अस्पताल जोरपाटीको खोप केन्द्रको स्थलगत अनुगमन गरेपछि देउवाले आफ्नो सरकारको प्राथमिकता सबैलाई कोरोनाको खोप भएको बताएका हुन्। देउवाले खोप सहज रुपमा लगाउने प्रवन्ध गर्न निर्देशन पनि गरेको उल्लेख गरे।

जोरपाटीस्थित खगेन्द्र नवजीवन केन्द्रमा स्वास्थ्यकर्मीलाई खोप हस्तान्तरण गरेर देउवाले आजबाट जोनसन एण्ड जोनसनको खोप शुभारम्भ गरेका हुन्। सो कार्यक्रममा नेपालका लागि अमेरिकी राजदूत र्‍याण्डी बेरी पनि सहभागी थिए।

स्वास्थ्य तथा जनसंख्या मन्त्रालयका अनुसार प्रधानमन्त्री देउवाले काठमाडौं उपत्यकाभित्रका नेपाल अर्थोपेडिक अस्पताल जोरपाटी, त्रिभुवन विश्‍वविद्यालय, शिक्षण अस्पताल महाराजगञ्ज, वीर अस्पताल, महाबौद्ध तथा पाटन स्वास्थ्य विज्ञान प्रतिष्ठान, लगनखेललगायतका केन्द्रहरुको निरीक्षण तथा अनुगमन गर्नेछन्।

आजदेखि काठमाडौंमा एक डोज मात्र लगाए पुग्ने जोन्सन एण्ड जोन्सनको खोप अभियान सुरु भएको छ। काठमाडौंका ४४ वटा खोप केन्द्रबाट जोन्सनको खोप लगाइँदै छ।

जाेन्सनकाे १५ लाख ३४ हजार ४५० डाेज काेभ्याक्स सुविधामार्फत् नेपाललाई उपलब्ध गराएकाे हाे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रचण्डले हैरान पारेपछि एमालेसँग मिलेका हौं, यो समीकरण २०८४ पछि पनि जानसक्छ: प्रकाशशरण महत

पूर्वमन्त्री लीलाबल्लभ अधिकारीविरुद्ध मुद्दा नचलाउने सरकारी वकिलकाे निर्णय

सन् २०२३ को अक्टोबर देखि एघार हजार भन्दा बढी प्यालेस्टिनी हिरासतमा