काठमाडाैं- कस्तो दिन थियो। नयाँ र विभिन्न डिजाइनका फेसन फलो गर्दै कार्यलय गइन्थ्यो। अझै भी आकारको टिसर्ट र पाइन्टसँग कालो हिलवाला जुत्ता, सबैले सुहाएको भन्थे।
नेपालका केटाहरु पनि नयाँ फेसन ट्रेन्डको फलो गर्न थालेका थिए। तर, अहिले भने कोभिड-१९ ले गर्दा सबै चौपट भयो।
यदि यस्तै केही सोच्दै हुनुहुन्छ भने, नआत्तिनुस्। विस्तारै पुरानै दिन फर्कनेछ।
अन्तर्राष्ट्रिय जगतमा 'भर्चुअल फेसन शो'को आयोजना भएको थियो। फेब्रुअरीमा भएको 'न्युयोर्क फेसन विक २०२१' ले भर्चुअल माध्यमबाटै फेसन शोको आयोजना गरेको थियो। यहाँ हामीले त्यही फेसन शोको टप थ्री फेसन आइकन र तिनका भर्चुअल अनुभवका बारेमा चर्चा गरेका छौं।
अनास्तासिया फ्युरो र उनको भर्चुअल फेसन अनुभव
फेब्रुअरी २०२१ मा भएको भर्चुअल फेसन शोमा अनास्तासिया फ्युरोको फेसन पहिलो नम्बरमा पर्न सफल भएको थियो।
शोपछि उनले आफ्नो फेसनबारे यसरी व्याख्या गरेकी छन्,‘मलाई लाग्छ, यदि एकै प्रकारको रङ प्रयोग गरिएको कपडा लगाइएको छ भने, त्यो ड्रेसले तपाईंलाई राम्रो नदेखाउन सक्छ। किनभने, यसले फोटोजेनिक अवतार देखिँदैन। यसको कारण हो, हामीले एकै रङको कपडालाई कसरी देखाउने भन्ने जान्दैनौं। एकै रङको कपडा लगाइएको अवस्थामा तपाईं नबस्नुहोस्, उभिनुहोस्। अझै उयज्यालो रङको पहिरनमा हुनुहुन्छ भने त कोठाभित्र हैन, बाहिर उभिनुहोस्। यसो गर्दा तपाईंको फेसन गज्जबको देखिन्छ।’
एन्जेल निल र उनको भर्चुअल फेसन अनुभव
फेसन शोमा एन्जेला निल दोस्रो नम्बरमा पर्न सफल भइन्। त्यो समयमा उनले आफ्नो फेसन अनुभवबारे भनिन्, 'मलाई राम्रो फोटोसुट मनपर्छ। त्यसैले राम्रो फोटो र भिडियोका लागि म सुन्तला रङ मन पराउँछु। फेसन शोमा म निकै पावरफूल र सेक्सी लुक्समा देखिन चाहन्थें। त्यसैमाथि टेल्फर ब्याग बोकेपछि मेरो आत्मविश्वास पनि बढ्छ।
शार्लोट जोलर र उनको भर्चुअल फेसन अनुभव
तेस्रो नम्बरमा परेकी शार्लोट जोलर लस एन्जलबाट फेसन शोमा सहभागी भएकी थिइन्। त्यसैले उनी बसेको ठाउँ फेब्रुअरी महिनामा जाडो भएकाले लामो बाहुला भएको, ठूलो आकारको कपडा लगाएकी थिइन्। उनी आफू न्यूयोर्क फेसन विकको तेस्रो नम्बरमा पर्नुको कारण भने सबैलाई कम्फर्टेबल हुने कपडा लगाएकाले हो भन्छिन्। 'अरुको नजरले हेर्दा सजिलो देखियो भने पनि त्यो फेसनमा सबैको नजर जान्छ, मेरो भर्चुअल फेसन शोमा लगाएको कपडामा धेरैले आँखा लगाउनुको कारण त्यही हो,' शार्लोटले भनिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
