कर्णाली प्रदेशको बजेट पनि ३ अर्बले बढ्यो, आगामी आवको बजेट ३६ अर्ब ५४ करोड

अर्थ समाचार

नेपाल लाइभ मंगलबार, असार १, २०७८ १८:५८

काठमाडौं- कर्णाली प्रदेश सरकारले आगामी आर्थिक वर्षको बजेट प्रदेश सभामा प्रस्तुत गरेको छ। प्रदेश सरकारका आर्थिक मामिला तथा योजनामन्त्री गोपाल शर्माले कूल ३६ अर्ब ५४ करोड रुपैयाँकाे बजेट प्रस्तुत गरे। यो बजेट चालु आर्थिक वर्षको भन्दा सवा ३ अर्बले बढी हो।

चालु आर्थिक वर्षका लागि ३३ अर्ब ७४ करोड रुपैयाँ बराबरको बजेट विनियोजन भएको थियो। प्रदेश सरकारले कोभिड उपचार तथा कोभिड खोपलाई बढी प्राथकिता दिँदै बजेट ल्याएको छ। साथै, सडक पूर्वाधार, शिक्षा पूर्वाभार, पर्यटन पूर्वाधार र स्वास्थ्य पूर्वाधारलाई पनि प्राथमिकता राखेको छ।

प्रदेश सरकारले ल्याएको कूल बजेटमा चालु खर्चतर्फ ११ अर्ब ४९ करोड (३१ प्रतिशत) पूँजीगततर्फ २१ अर्ब ६५ करोड (५९प्रतिशत) र अन्तर वित्तीय हस्तान्तरणतर्फ ३ अर्ब ३९ करोड (१० प्रतिशत) रहेको छ।

सरकारले खर्चको व्यवस्थापनमा भने कर राजस्व परिचालनबाट ६० करोड, राजस्व बाँडफाँडबाट ७ अर्ब ४४ करोड, नेपाल सरकारबाट प्राप्त हुने वित्तीय समानिकरण अनुदानबाट १० अर्ब १४ करोड र चालु आवको विनियोजन रकमबाट १२ अर्ब ९२ करोड बचत हुने अनुमान गरेको छ।

सर्शत अुनदानबाट प्राप्त हुने ७ अर्ब ९८ करोड, समपुरक अनुदानबाट ८१ करोड र विशेष अनुदानबाट ६१ करोड ३० लाख र विकास साझेदारबाट २ करोड ९ लाख प्राप्त हुने अनुमान गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनकपुर बोल्ट्सको जर्सी सार्वजनिक

आज राति ११ बजेदेखि दैनिक ४ घण्टा ३० मिनेट पृथ्वी राजमार्ग बन्द हुने

एनपीएलको खेल तालिका सार्वजनिक, उद्घाटनमा विराटनगर र जनकपुर भिड्ने [तालिकासहित]