फाइल तस्वीर
काठमाडौं– वर्षाका तीन महिना ढल तथा अन्य गतिविधिका लागि सडक खन्न नपाइने भएको छ। संघीय सडक सुपरिवेक्षण तथा अनुगमन कार्यालयले सूचना जारी गरी सडक संरचना खन्न रोक लगाएको हो।
कार्यालयको सूचना अनुसार असारदेखि भदौसम्म सडक खनेमा कारबाहीसमेत हुनेछ।
वर्षायाममा धारा, ढल, बिजुली, टेलिफोन आदि प्रयोजनका लागि सडक खन्दा तत्कालै मर्मतसम्भार गरी यथास्थितिमा ल्याउन नसकिने तथा सडक पनि बिगिँ्रदै जाने भएकाले यो समयमा यस्तो कार्यमा रोक लगाएको सडक विभागका महानिर्देशक अर्जुनजङ्ग थापाले बताए।
यो अवधिमा सडक खन्ने स्वीकृति नदिइने र कसैले जबरजस्ती सडक खने मा सार्वजनिक सडक ऐन, २०३१ अनुसार कारबाही गरिने कार्यालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
