यी हुन् कोरोनाको दोस्रो लहरविरुद्ध जुध्न नेपाललाई स्वास्थ्य सामग्री सहयोग गर्ने दाता (सूचीसहित)

कोरोना अपडेट

नेपाल लाइभ बुधबार, जेठ २६, २०७८ १४:५४

काठमाडौं– नेपालमा कोरोना संक्रमणको दोस्रो लहर शुरु भएपछि अक्सिजनसँगै भेन्टिलेटरको पनि निकै अभाव भयो। दोस्रो लहरमा भाइरस बढी संक्रामक भएकाले एकैपटक धेरै मानिस संक्रमित हुँदा अस्पतालका शय्याहरु भरिए। धेरैलाई अक्सिजन आवश्यक पर्‍यो।

केही अस्पतालमा त अक्सिजनको आपूर्ति समयमै नहुँदा पनि कोरोना संक्रमितको मृत्यु भएको घटना बाहिरियो। अहिले पनि नेपालमा संक्रमितको संख्या केही घट्दो क्रममा देखिएपनि आइसीयू र भेन्टिलेटरमा भर्ना हुने बिरामीको संख्यामा कमी आएको छैन।

दोस्रो लहर सुरु हुँदा नेपालका १ प्रतिशत व्यक्तिले कोरोना विरुद्धको खोप पाएका थिए। खोप पाएका व्यक्ति पनि दोस्रो लहरमा संक्रमित हुन पुगे। यद्यपि खोप लाएका व्यक्तिहरु खोप नपाएका व्यक्तिभन्दा कम सिकिस्त भएको शुक्रराज ट्रपिकल तथा सरुवा अस्पताल टेकुका कोभिड फोकल पर्सन डा अनुप बास्तोलाले बताए।

उनले भने,‘अहिले एक मात्र आवश्यकता हो खोप। खोपले मात्र जीवन बचाउन सकिन्छ। खेप पाएका व्यक्तिको सिकिस्त हुने र मृत्युदर निकै कम छ। जति पनि व्यक्तिको मृत्यु भएको छ उनीहरुले खोप पाएका छैनन्।'

दोस्रो लहर सुरु भएपछि नेपालमा स्वास्थ्य सामग्री सहयोगमा आउने क्रम पनि निकै बढेको छ। पछिल्लो समय पनि मन्त्रालयलाई हरेक दि कुनै कुनै संघसंस्थाले स्वास्थ्य सामग्री दिइरहेका छन्।

अहिले अन्य स्वास्थ्य सामग्रीभन्दा कोभिड खोप बढी आवश्यक भएको भन्दै मन्त्रालयले ठूला सहयोगी दातालाई अनुरोध गरिरहेको छ।

स्वास्थ्य सेवा विभागले जेठ ९ गतेदेखि हालसम्म उपलब्ध गराएको तथ्यांक अनुसार सबैभन्द बढी मास्क, ग्लोब्स, गाउन, अक्सिजन सिलिण्डर, कन्सनट्रेटर, भेन्टिलेटरहरु सहयोग गरिएको छ।

विभागले सबै सामग्री विमानस्थलकै स्टोरमा राख्ने र सातै प्रदेशमा पठाउने गरेको व्यवस्थापन महाशाखाका आपूर्ति शाखा प्रमुख उपेन्द्र ढुंगानाले बताए।

उनले प्रदेशलाई सामग्री पाउने र प्रदेशले अन्र्तगतको जिल्लामा आवश्यकता अन्सार पाउने गरेको बताए।

कहाँबाट कति सहयोग आयो?

क्रम संख्या	डोनर संस्था तथा निकाय	प्राप्त स्वास्थ्य सामग्री/परिमाण
१	युएसएआइडि	१) ग्लोब्स– ६५०,००० वटा २) फेसशिल्ड– ५०,००० वटा ३) बडी ब्याग– २,६०० वटा
२	नेपालस्थित स्वीटजरल्याण्ड राजदूतावास	१) एन्टीजेन कीट– १,१००,००० वटा २) अक्सिजन कन्सनट्रेटर– १० युनिट ३) अक्सिजन नजल क्यानुला– १००० वटा ४)भेन्टिलेटर(एडल्ट८००,पेडियाट्रिक१००)– ४० युनिट ५) एन९५ मास्क ११०००० वटा ६) ग्लोब्स– ५०००० वटा ७) गाउन (कभरल प्रोट्रेसन)– १५००० सेट ८) मास्क– १२० वटा ९) सरकीट भल्भस १४० वटा
३	तमासिक प्राइड प्रा.लि सिगांपुर	१) पल्स अक्सिमिटर ४००० वटा २) आईपीएपी मेशिन ५०वटा ३) आरएनए एस्ट्राक्सन मेसिन २ सेट ४) भेन्टिलेटर(एडल्ट८००, पेडियाट्रिक१००) सेट ५) अक्सिजन सिलिण्डर १,००० वटा
४	एफएचआइ ३६०	१) अक्सिजन सिलिण्डर १००० वटा
५	चीन सरकार(चाइनिज कम्पनी होंगसी शिवम् सिमेन्ट) तिब्वत अटोनोमस रिजन	१) अक्सिजन सिलिण्डर४०लि. १४२५ वटा २) अक्सिजन सिलिण्डर४०लि ५७५ वटा ३) लिक्विड अक्सिजन सिलिण्डर १५० वटा
६	फिनल्याण्ड राजदूतावास	१) सर्जिकल मास्क २,४९८२४० वटा २) एफएफपी२ मास्क ३५०,००० वटा ३) एन९५ मास्क १००,००० वटा ४) ग्लोब्स २३२,५०० वटा ५) आइसोलेसन गाउन ३०,००० पिस ६) फेस सिल्ड ३५०,०००
७	डाइरेक्ट रिलिफ	अक्सिजन कन्सनट्रेटर १२९ सेट
८	एनआएएन ओमfन	१.अक्सिजन सिलिण्डर ५६० वटा २. अक्सिजन कन्सनट्रेटर ७ सेट
९	कन्फिड्रेसन अफ नेप्लिज इन्डस्ट्री	अक्सिजन सिलिण्डर ८५ वटा
१०	एनसेल	अक्सिजन कन्सनट्रेटर १०सेट
११	वन हर्ट वल्र्ड वाइड	१) अक्सिजन कन्सनट्रेटर विथ ब्याट्री २५४ सेट २) अक्सिजन कन्सनट्रेटर ९६ सेट ३) भेन्टिलेटर १ ४) भोल्टेज रेगुलेटर ९६
१२	वल्र्ड भिजन इन्टरनेशनल	१) पल्स अक्सिमिटर १०० पिस २) आइआर थर्मोमिटर १०० पिस ३) अक्सिजन सिलिण्डर १०० वटा
१३	स्पेनिस सरकार	१) अक्सिजन सिलिण्डर ५० वटा २) अक्सिजन कन्सनट्रेटर १० ३) भेन्टिलेटर १० ४) एन९५मास्क १४४,००० ५) एन्टीजेन कीट १२४, ८००
१४	करुणा फाउन्डेसन	अक्सिजन कन्सनट्रेटर ३५ वटा
१५	युनिसेफ	अक्सिजन कन्सनट्रेटर १००
१६	टिजेटयु चि फाउन्डेसन	१) अक्सिजन कन्सनट्रेटर ६० वटा २) नजल अक्सिजन ट्युव १००० ३) हेभी ड्युटी ग्लोब्स १००८० वटा ४) सुज कभर ९९२०० ५) सर्जिकल क्याप १०२००० ६) फेस मास्क ५००००० ७) गाउन १००००० ८) गम बुट ५०१०
१७	बेलायत सरकार	१) अक्सिजन कन्सनट्रेटर १० २) बिप्याप मेसिन १३० वटा ३) सिप्याप १३० ४) फेस सिल्ड १९२००
१८	थाइल्याण्ड सरकार	१) अक्सिजन कन्सनट्रेटर ५४ २) मास्क १०००००० ३) गाउन ४५२० ४) सुज कभर १०००० ५) सर्जिकल क्याप १००० ६) फेस सिल्ड ५००० ७) एन्टीजेन कीट २०००० ८) पल्स अक्सिमिटर ६०० ९) डिजिटल थर्मोमिटर १५०० १०) बडी ब्याग १००० ११) नजल क्यानुला १००० १२) गाउन ७०००
१९	आइएमी फाउन्डेसन	अक्सिजन कन्सनट्रेटर ६० पिस
२०	तिब्बल सान्तोङ चाइना	१) अक्सिजन सिलिण्डर ८०० २) आइसियु बेड २०० ३) भेन्टिलेटर ५ ४) अक्सिजन कन्सनट्रेटर १०
२१	चाइन कल्चरल मेडिकल ग्रुप	अक्सिजन सिलिण्डर १५००
२२	फ्रान्स	१) भेन्टिलेटर ९ २) भेन्टिलेटर (पोर्टेबल) ५ ३) एन्टीजेन कीट २०२२५ ४) एन९५ मास्क ५०४००० ५) ग्लोब्स १२०००
२३	टिजेटयु चि फाउन्डेसन	१) अक्सिजन कन्सनट्रेटर १९५ २) फेस सिल्ड ५०००० ३) मास्क ५६३०००
२४	एफएचआइ	१) विप्याप ५० २) पेसेन्ट मोनिटर १० ३) पल्स अक्सिमिटर ४००
२५	य्एइ	१) विप्याप १५० २) मास्क ३१८६०० ३) गाउन ९००० ४) गाउन (आइसोलेसन) १५००० ५) ग्लोब्स् २००००
२६	युनिसेफ	१) पल्स अक्सिमिटर २) बडी ब्याग २००० ३) ग्लोब्स २००००००
२७	जापान सरकार	अक्सिजन कन्सनट्रेटर १६०
२८	जर्मनी	१) भेन्टिलेटर ६२ २) एफएफपीटू मास्क २७५०० ३) सर्जिकल मास्क ३०००० ४) गम्बुट १०० ५) बडीब्याग २०० ६) आइसोलेसन सेन्टर टेन्ट ५, ७) डिसइन्फेक्ट्यान्ट २५००० लिटर

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

वनमन्त्रीलाई बर्खास्त गरेपछि नाउपाले संघ र प्रदेश सरकारबाट समर्थन फिर्ता लिने

सुदूरपश्चिम प्रदेशका वनमन्त्री बर्खास्त

३२ पदाधिकारी संवैधानिक इजालासबाट पदमुक्त भएको भन्दै आदेश कार्यान्वयन गर्न सर्वोच्चमा निवेदन