एमालेका दुई पक्षको वार्ता सकियो, नेताहरूको दाबी- सकारात्मक छौं

राजनीति

नेपाल लाइभ मंगलबार, जेठ २५, २०७८ २१:५७

काठमाडौं– नेकपा एमालेको एकता जोगाउन भनेर सक्रिय दोस्रो तहका नेताबीच मंगलबार भएको भेटवार्ता सकिएको छ।

ललितपुरको कुपण्डोलस्थित एक होटलमा भएको वार्तामा अध्यक्ष केपी शर्मा ओली र वरिष्ठ नेता माधव कुमार नेपाल पक्षका दोस्रो तहका नेता सहभागी थिए।

ओलीका तर्फबाट सुवासचन्द्र नेम्वाङ, विष्णु पौडेल, प्रदीप ज्ञवाली र विष्ण रिमाल सहभागी थिए। यस्तै, नेपाल पक्षबाट घनश्याम भुसाल, सुरेन्द्र पाण्डे, गोकर्ण विष्ट र भीम आचार्य सहभागी थिए।

दुवै पक्षका नेताबीच छलफल भएपनि कुनै निष्कर्षमा भने नपुगेको नेताहरुले जनाएका छन्।

बैठकपछि सञ्चारकर्मीलाई प्रतिक्रिया दिँदै स्थायी कमिटी सदस्य नेम्वाङले पार्टी एक राख्ने विषयमा सकारात्मक कुराकानी भएको बताए।

अहिलेको अवस्थामा वार्तालाई जारी राख्ने भन्ने समझदारी बनेको पनि नेम्वाङले बताए। ‘वार्ता जारी रहन्छ, आज अरु केही नबोलने कुरा छ,’ वार्तापछि नेम्वाङले भने, 'हामीहरू पार्टी एकताको पक्षमा निरन्तर छलफलमा छाैं, निरन्तर जारी रहन्छ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुपर फोरमा नेपालले आज श्रीलंकासँग खेल्दै

फाइनल प्रवेशका लागि जनकपुर र कर्णाली भिड्दै

जर्मनीबाट परराष्ट्रमन्त्री डा. राणा सिधै भारत प्रस्थान