काठमाडाैं- प्रधानमन्त्री तथा नेकपा (एमाले)का अध्यक्ष केपी शर्मा ओली र वरिष्ठ नेता माधवकुमार नेपालबीच तीन घण्टादेखि जारी भेटवार्ता सकिएको छ।
वार्ता सकारात्मक दिशातर्फ अघि बढेको वरिष्ठ नेता नेपालले जानकारी दिए। सहमतिको बिन्दु खोज्न कार्यदल गठन गर्ने सहमति भएको उनको प्रतिक्रिया छ।
दुई नेताबीच बूढानीलकण्ठस्थित व्यवासी रामेश्वर थापाको घरमा वार्ता भएको थियो। दुई नेताबीचको वार्तापछि नेपाल समूहका सांसदको राजीनामा रोकिएको छ।
छलफलमा आफूहरुले पार्टीभित्रका समस्याका विषयमा आ-आफ्नो बुझाइ राखेको नेता नेपालले बताए। उनले भने, 'फागुन २८ गते पछिका निर्णय खारेज गर्ने कुरा राखियो। त्यस विषयमा उपायको खोजी गरेर अघि बढ्ने कुरा भएको छ। कार्यदल बनाएर सहमति खोज्ने कुरा भएको छ।'
आफूले यसअघि वैशाख २६ गते राखेकै कुरा दोहोर्याएको पनि नेपालले बताए।
उनले वैशाख ६ मा राखेका प्रस्ताव यस्ता छन् :
१ सर्वोच्च अदालतको फैसला तथा नेपाल कम्युनिष्ट पार्टी ९एमाले० को विधान, नियमावली, आचार संहिता अनुरुप २०७५ साल जेठ ३ गते पार्टी एकीकरण हुनुपूर्वको अर्थात जेष्ट २ गतेको स्थितिमा पार्टी, जनसंगठन र पेशागत सगठनका सबै संरचनाहरूलाई केन्द्रदेखि स्थानीय तहसम्म क्रियाशील तुल्याउने।
२ नवौं राष्ट्रिय महाधिवेशको मार्ग निर्देशन र पार्टीको विधान विपरीत २०७७ साल फागनु २८ गते गरिएका केन्द्रीय कमिटी विघटन गर्ने लगायतका निर्णय रद्द गर्नुका साथै त्यसको आधारमा त्यसपछि भएका सबै निर्णयहरू खारेज गर्ने।
३ पार्टीलाई विधि, विधान र पद्धति अनुरुप सञ्चालन गर्ने।
४ पार्टीमा उत्पन्न अन्तरविरोध, मतभेद र विवादका कारण सिर्जित समस्याहरू तथा एकअर्काप्रति लगाइएका आरोप प्रत्यारोप एवम् समस्याहरूको बारेमा यथोचित समयमा समीक्षा गरी आवश्यक निर्णय गर्ने।
५ सरकार र पार्टीको बीचमा समन्वय र सुसम्बन्ध कायम गर्दै पार्टीको सिद्धान्त, नीति, कार्यक्रम र देश तथा जनताको सर्वोपरी हित, अपेक्षा र आवश्यकता अनुसार सञ्चालन गर्ने।
६ उक्त कुराहरूको आधारमा पार्टीलाई एकताबद्ध रुपमा अगाडि बढाउने। यथा समयमा राष्ट्रिय महाधिवेशन र विभिन्न तहका अधिवेशनहरू सम्पन्न गर्ने। हामीले नेपाल कम्युनिष्ट पार्टी ९एमाले० मात्र होइन, नेपालको कम्युनिष्ट आन्दोलनको एकताको रक्षा तथा देश, जनता र पार्टीको हितको लागि अगाडि सारेका उपयुक्त कुराहरूलाई गम्भीररुपमा ग्रहण गरी समस्याको समाधानको दिशामा अग्रसर हुन तपाई र तपाई निकट सबै नेता, कार्यकर्ता र सदस्यहरूलाई आव्हान गर्दछौं। हाम्रा उक्त जायज आवाजहरूलाई वेवास्ता गरियो भने तपाई पार्टी विभाजन गर्दै देश, जनता र लोकतन्त्रलाई अन्योल र दिशाहीन तुल्याउन उद्दत रहनुभएको भन्ने अर्थ लाग्ने स्पष्ट छ।
नेपालले आफूहरु मिल्ने दिशामा अघि बढेको बताउँदै तत्कालका लागि आफ्नो पक्षका सांसदको राजिनामा टरेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786800305.jpg)
-1786801195.jpg)
-1786602170.png)
-1786513116.png)
