काठमाडाैं–कोरोना भाइरसको दोस्रो लहर सुरु भएको दुई महिनामा सुदूरपश्चिम प्रदेशमा ७४ जना सङ्क्रमितको मृत्यु भएको छ। पीसीआर विधिबाट परीक्षण गरी कोरोना पुष्टि भएका ३५ र एन्टिजेन विधिबाट परीक्षण गरेर कोरोना पुष्टि भएका ३९ गरी ७४ जना सङ्क्रमितको मृत्यु भएकाे हो।
सुदूरपश्चिम प्रादेशिक स्वास्थ्य निर्देशनालयको तथ्यांकअनुसार पहिलो लहरको पुस २५ गतेसम्म कोरोना सङ्क्रमणपछि मृत्यु हुनेको सङ्ख्या ५२ रहेको थियो। नयाँ भेरियन्टसहितको दोस्रो लहरको कोरोना सङ्क्रमण उच्च भएपछि मृत्यु हुनेको सङ्ख्या पनि बढेको छ।
दोस्रो लहरको कोरोना सङ्क्रमण शुरु भएपछि मान्छे जटिल अवस्थामा मात्रै अस्पताल पुग्ने गरेका कारण मृत्यु सङ्ख्या बढेको सेती प्रादेशिक अस्पतालका सूचना अधिकारी दिलीपकुमार श्रेष्ठले बताए।
‘फोक्सोमा लगभग ५० प्रतिशत क्षति भइसकेपछि मात्रै उपचारका लागि आउने गरेका कारण मृत्यु बढेको हो,’ उनले भने, ‘अहिलेको कोरोनाले सङ्क्रमितलाई झ्याप्पै समस्या गरिरहेको छ।’ सुदूरपश्चिम प्रदेशमा सोमबारसम्म पीसीआर विधिबाट परीक्षण गरेर कोरोना पुष्टि भएका ८७ र एन्टिजेन विधिबाट कोरोना पुष्टि भएका ३९ जना गरेर १२६ जनाको मृत्यु भएको छ।
सोमबारमात्रै प्रदेशभरि १४ जनाको मृत्यु भएको निर्देशनालयको तथ्यांकमा उल्लेख छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1785812786.png)
-1764146706.png)
