काठमाडाैं- काठमाडाैं उपत्यकामा निषेधाज्ञा जारी भएको आज पाँचाैं दिन। दैनिक कोरोना संक्रमणले रेकर्ड बनाउँदै जाँदा सरकारले निषेधाज्ञा थप कडाइ गरिएको बताए पनि काठमाडाैंका सडकमा सवारी चाप उच्च देखिएको छ।
विशेषगरी चेकिङस्थलहरुमा 'ट्राफिक जाम' हुने देखिएको हो। सरकारले संक्रमणको जोखिम थप बढेको भन्दै बैंक तथा वित्तीय संस्थाहरुलाई २५ प्रतिशतमात्र शाखा सञ्चालन गर्न तथा ती शाखाहरुमा पनि २५ प्रतिशतमात्र कर्मचारी उपस्थित गराएर सेवा प्रवाह गर्न निर्देशन दिएको छ। सञ्चारकर्मीहरुलाई पनि सूचना विभागको कार्ड अनिवार्य गरिएको छ।
औषधिलगायत अन्य स्वास्थ्य सामग्री, खाद्यसामग्री, दूध, तरकारी, पानीलगायत अत्यावश्यक सेवाबाहेकका सवारी साधनलाई मात्र चल्ने दिने व्यवस्था गरिएको छ। यद्यपि, राजधानीका सडकमा सवारी चाप उच्च देखिएको हो। यसले कोरोनाको जोखिम थप बढाउनसक्ने सरोकारवाला अधिकारीहरु बताउँछन्।
सुरक्षाकर्मीले सवारी चेकिङ निषेधाज्ञाको सुरुआती दिनबाटै कडा बनाएका थिए। तोकिएका सेवाबाहेकका तथा पास नलिई सञ्चालन गरिएका सवारीसाधनलाई कारबाहीसमेत गर्दै आएको छ।
सोमबार काठमाडाैंका सडकमा देखिएको ट्राफिक जामका केही दृश्य:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
