काठमाडौं- देशभर हाल पाँच सय बढी कोरोना संक्रमित अस्पतालको आईसीयू र भेन्टिलेटरमा छन्। ४०१ आईसीयू र ११० जना भेन्टिलेटरमा गरी ५११ बिरामी उपचाररत रहेको स्वास्थ्य तथा जनसंख्या मन्त्रालयले जनाएको छ।
प्रदेश १ मा ४६ आईसीयू र १० भेन्टिलेटरमा, प्रदेश २ मा २४ आईसीयू र २ भेन्टिलेटरमा छन्। बागमती प्रदेशमा १९६ आईसीयू र ६३ जना भेन्टिलेटरमा छन्।
गण्डकी प्रदेशमा ५ जना आईसीयू र १ जना भेन्टिलेटरमा, लुम्बिनी प्रदेशमा ७७ जना आईसीयू र १९ जना भेन्टिलेटरमा, कर्णालीमा ३१ जना आईसीयू र ७ जना भेन्टिलेटरमा सुदूरपश्चिम प्रदेशमा २२ जना आईसीयू र ८ जना भेन्टिलेटरमा रहेको मन्त्रालयले जनाएको छ।
कोरोनाको उपचार हुने काठमाडौं उपत्यकाको अस्पतालमा १९० जना संक्रमित आईसीयू र भेन्टिलेटरमा छन्। ८८९ जना आइसोलेसनमा छन्।
शसस्त्र प्रहरी बल अस्पताल बलम्बुमा १२ आईसीयू, ७ भेन्टिलेटर र १६२ जना आइसोलेसनमा छन्। श्री वीरेन्द्र अस्पताल छाउनीमा ५ जना आईसीयू र ७१ जना आइसोलेसनमा, वीर अस्पतालमा ६ आईसीयू, २ भेन्टिलेटर र ५७ जना आइसोलेसनमा, नेपाल प्रहरी अस्पतालमा ५ आईसीयू र ८३ जना आइसोलेसनमा छन्।
शुक्रराज ट्रपिकल तथा सरुवा रोग अस्पतालमा ११ जना आईसीयू, १२ भेन्टिलेटरमा र ५७ जना आइसोलेसनमा, त्रिवि शिक्षण अस्पतालमा १५ आईसीयू, ५ भेन्टिलेटर र १२६ जना आइसोलेसनमा, पाटन अस्पतालमा ९ आईसीयू, ९ भेन्टिलेटर र ९० जना आइसोलेसनमा छन्।
यस्तै निजामती कर्मचारी अस्पतालमा १४ जना आईसीयू र ३३ जना आइसोलेसनमा, राष्ट्रिय आयुर्वेद अनुसन्धान तथा तालिम केन्द्र कीर्तिपुरमा १२७ जना आइसोेलेसनमा छन्।
ग्राण्डी अन्तर्राष्ट्रिय अस्पतालमा ७ जना आईसीयू र ८ जना भेन्टिलेटरमा र ३९ जना संक्रमित आइसोलेसनमा, ह्याम्स अस्पतालमा २० जना आईसीयू, ४ जना भेन्टिलेटरमा र ८८ जना आइसोलेसनमा, नेपाल मेडिसिटी अस्पतालमा २५ आईसीयू, ७ भेन्टिलेटर र ४७ जना आइसोलेसनमा, स्टार अस्पतालमा ६ आईसीयू र १४ जना आइसोलेसनमा रहेको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768197745.png)
-1764146706.png)
