काठमाडाैं- लुम्बिनी प्रदेश अहिले कोरोनाको 'हट स्पट' बनेको छ। भारतसँग सीमा जोडिएका यस प्रदेशका जिल्लाहरुमा संक्रमितको ग्राफ दैनिक उकालो लागिरहेको छ।
प्रदेशअन्तर्गतका बाँके ,रुपन्देही, दाङ र कपिलवस्तुमा शनिबार पनि उच्चदरमा संक्रमित थपिएका छन्। प्रदेशका १२ जिल्लामध्ये अहिले 'हट स्पट'को रुपमा बाँके देखिएको छ।
प्रदेशमा यसरी थपिएका संक्रमितमध्ये ४८ प्रतिशतभन्दामाथि लक्षण भएका संक्रमित रहेका छन्। शनिबार ७५९ जनामा संक्रमण पुष्टि हुँदा ३६६ जना लक्षणसहितका संक्रमित रहेका छन्। यी मध्ये ३६५ जनालाई आइसोलेसन अस्पतालमा राखिएको छ।
कोभिड-१९ को पहिलो लहरका क्रममा पनि निकै प्रभावित भएको बाँकेमा अहिले सोही समस्या दोहोरिएको छ। शनिबार रातिसम्मको तथ्यांकअनुसार बाँकेमा ३४९ जना थपिएका थिए तीमध्ये २२६ जना लक्षण भएका संक्रमित छन्। लक्षण भएका सबै संक्रमितलाई आइसोलेन अस्पतालमा राखिएको छ।
शनिबार बाँकेपछि सबैभन्दा धेरै दाङमा संक्रमित थपिएका छन्। दाङमा ११० जना संक्रमित थपिएका हुन्। संक्रमितमध्ये ४० जना लक्षणसहितका रहेका थिए। उनीहरुलाई आइसोलेन अस्पतालमा राखिएको जानकारी दिइएको छ।
लुम्बिनीमा शनिबार ७५९ जना नयाँ संक्रमित थपिएसँगै सक्रिय संक्रमितको संख्या चार हजार ६३१ पुगेको छ। संक्रमितमध्ये ३६६ जना लक्षणसहितका रहेका छन्। उनीहरुमध्ये ३६५ जना आइसोलेसन अस्पतालमा रहेका छन्।
शनिबार थपिएका संक्रमित कुन जिल्लामा कति?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787469545.png)
-1787457387.png)
-1786602170.png)
-1786513116.png)
