फाइल तस्वीर– एएफपी
काठमाडौं- नेपालमा कोरोना भाइरसबाट संक्रमित थपिने क्रम उच्च बनेको छ। आरटी-पीसीआर र एन्टिजेन परीक्षणका क्रममा पछिल्लो २४ घण्टाको अवधिमा मात्रै नेपालमा थप एक हजार ७३६ जनामा कोरोना संक्रमण देखिएको छ।
गत २४ घण्टामा देशभरका विभिन्न प्रयोगशालामा गरी आठ हजार ८५ जनाको आरटी-पीसीआर विधिबाट नमूना परीक्षण गरिएको थियो। यस्तै, ६८३ जनाको एन्टिजेन परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ।
मन्त्रालयका अनुसार पीसीआर परीक्षणबाट एक हजार ६६७ जनामा संक्रमण पुष्टि भएको छ भने एन्टिजेन परीक्षणका क्रममा ६९ जनामा कोरोना संक्रमणको संकेत देखिएको छ।
कोरोना संक्रमणबाट मृत्यु हुनेको संख्यासमेत बढेको छ। मन्त्रालयका अनुसार कोरोना संक्रमणबाट गत २४ घण्टाको अवधिमा देशभर गरी ११ जनाको मृत्यु भएको मन्त्रालयको तथ्यांक छ। ११ जनामध्ये तीन जनाको गत २४ घण्टाको अवधिमा मृत्यु भएको मन्त्रालयले जानकारी दिएको छ।
मंगलबार थपिएका समेत गरी नेपालमा कोरोना संक्रमितको संख्या दुई लाख ८७ लाख ५६७ पुगेको छ। संक्रमण देखिएकामध्ये हालसम्म दुई लाख ७५ हजार ५६७ जना संक्रमणमुक्त भएका मन्त्रालयले जानकारी दिएको छ।
गत २४ घण्टामा थपिएका ११ जनासहित हालसम्म कोरोना संक्रमणबाट मृत्यु हुनेको संखेया तीन हजार १०२ पुगेको छ। देशभर हाल आठ हजार ६५९ जना सक्रिय संक्रमित रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
