लण्डन- बेलायत सरकारले भारतलाई 'राताे सूची'मा राखेकाे छ। भारतमा काेराेना संक्रमितकाे संख्या दिनुहँ डेढ लाखकाे हाराहारीमा भेट्न थालेपछि 'राताे सूची'मा राखिएकाे हाे। याेसँगै भारतबाट बेलायत यात्रा गर्न प्रतिबन्ध लगाइएकाे छ।
शुक्रबार २३ अप्रिल बिहान ४ बजेदेखि भारतबाट यात्रा गर्ने पर्यटकहरुलाई प्रवेश निषेध गरिने बेलायती स्वास्थ्य सचिव म्याट म्याट ह्यान्ककले जानकारी दिए।
'काेराेना संक्रमितकाे डाटा अध्ययन गरेपछि र सावधानीका आधारमा हामीले भारतलाई रातो सूचीमा समावेश गरेका हाैं,' उनले भने।
यद्यपि, बेलायती वा आयरिस पासपोर्ट धारी र बेलायत निवास अधिकार भएका व्यक्तिहरूलाई प्रवेश दिइनेछ। तर,१० दिनका लागि सरकारबाट स्वीकृत होटेलमा क्वारेन्टिनमा बस्नुपर्नेछ।
नयाँ भेरियन्ट धेरै जसो अन्तर्राष्ट्रिय भ्रमण गरेर फर्किएकामा फेला परेकाे उनले दाबी गरेका छन्। उनका अनुसार भारतबाट आएका १०३ जनामा काेराेनाकाे नयाँ भेरियन्ट फेला परेकाे छ।
भारतमा गत २४ घण्टाभित्र त्यहाँ २ लाख ७५ हजार ३०६ जना नयाँ संक्रमित थपिएका छन्। भारतमा कोरोना संक्रमितको संख्या एक करोड ५० लाख ५७ हजार ७६७ पुगेको छ।
पछिल्लो २४ घण्टामा १६ सय २५ जनाको मृत्यु भएसँगै कोरोना संक्रमणका भारतमा मृत्यु हुनेको कुल संख्या एक लाख ७८ हजार ७९३ पुगेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1738557849.jpg)
-1764146706.png)
