काठमाडौं- प्रधानमन्त्री केपी शर्मा ओलीले प्रतिनिधि सभा विघटन गर्नु बाध्यात्मक छनोट भएको बताएका छन्।
सोमबार सुरु भएको नेकपा (एमाले) राष्ट्रिय महाधिवेशन आयोजक कमिटीको बैठकमा राजनीतिक प्रतिवेदन पेश गर्दै एमाले अध्यक्ष समेत रहेका ओलीले आफ्नै पार्टीका कतिपय नेताहरू विभिन्न शक्ति केन्द्रसँग साँठगाँठ गरेर सरकारलाई असफल पार्न लागेपछि आफूले उक्त कदम चालेको उल्लेख गरेका छन्।
'आफ्नै पार्टीका कतिपय नेताहरु विभिन्न शक्तिकेन्द्रसँग साँठगाँठ गर्दै सरकारलाई असफल पार्न र गिराउन प्रयत्नशील थिए। यिनै घेराबन्दी र षडयन्त्रलाई चिर्न एवं अस्थिरता, स्वार्थप्रेरित गठबन्धन र बाह्य हस्तक्षेपको चक्रव्यूहबाट राष्ट्रिय राजनीतिकलाई सही दिशा दिन २०७७ पुस ५ गते प्रतिनिधि सभा विघटन गरी ताजा जनादेशका लागि २०७७ पुस ५ गते प्रतिनिधि सभा विघटन गरी ताजा जनादेशका लागि २०७८ वैशाखमा नयाँ निर्वाचन गर्ने घोषणा गरिएको थियो। यो एउटा बाध्यात्मक छनोट थियो', प्रतिवेदनमा भनिएको छ।
उनले विघटन गर्नुपर्नाको पृष्ठभूमिमा संसद्लाई अस्थिरताको थलो बनाउने प्रयास हुँदै गरेको, सैद्धान्तिक र नीतिहीन गठबन्धनहरू निर्माण भएर राजनीतिमा विकृति र विसंगति वृद्धि हुने जोखिम बढेको एवं प्रतिनिधि सभा समृद्धिको संवाहक होइन सरकार बनाउने र विघटनको कृडास्थल मात्रै बन्ने स्थिति उत्पन्न हुँदै गएको उल्लेख गरेका छन्।
उनले प्रतिनिधि सभा पुनःस्थापित गर्ने सर्वोच्चको कदमप्रति असन्तुष्टि जनाउँदै उसले संविधानको मूल मर्मको सही व्याख्या गर्न नसकेको अनुमूत हुने बताएका छन्।
ओलीले कुनै पनि निर्वाचनमा जानुपर्ने परिस्थिति आउने अवगत गराएका छन्। 'स्थितिको विश्लेषण गर्दा कुनै पनि बेला ताजा जनादेशका लागि निर्वाचनमा जानुपर्ने अवस्था सिर्जना हुन सक्ने सम्भावनालाई ध्यानमा राख्दै समग्र पार्टी पंक्ति हमेशा यसका लागि तयारी अवस्थामा रहनु आवश्यक छ', प्रतिवेदनमा भनिएको छ।
ओलीको प्रतिवेदन बैठकले पारित गरेको छ। यस्तो छ प्रतिवेदन :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791692981.webp)
-1786602170.png)
