मस्काे- रुसी राष्ट्रपति भ्लादमिर पुटिनका कट्टर आलोचकसमेत रहेका विपक्षी दलका नेता एलेक्सी नभाल्नीलाई अस्पताल भर्ना गरिएकाे छ।
स्वास्थ्यमा गम्भीर समस्या देखिएपछि कारागारका चिकित्सकहरुकाे सल्लाहअनुसार उनलाई अस्पताल भर्ना गरिएकाे हाे।
उनलाई मस्कोबाट पूर्वमा रहेकाे क्षेत्रीय अस्पताल लगिएको अलजजिराले जनाएकाे छ।
४४ वर्षीय नभाल्नीलाई गत फेब्रुअरीदेखि मस्कोभन्दा करिब १ सय किलोमिटर पूर्वमा रहेको कारागारमा राखिएकाे छ।
उनले आफ्नो मेडिकल टिम आफ्नाे स्वास्थ्य परीक्षण गर्न नदिएकाे विरोधमा ३१ मार्चमा भोक हड्ताल सुरु गरेका थिए।
नभाल्नीका डाक्टरका अनुसार उनको रगत परीक्षणकाे नतिजाबाट मिर्गौला खराब भएकाे पत्ता लागेकाे छ। यसका साथै उनलाई जहिले पनि ‘हर्ट अट्याक’ हुन सक्छ।
यता, नभाल्नीका चिकित्सकहरुले ढाडको समस्या र सुन्निएका खुट्टाको उपचार नगरिए उनकाे केही दिनमा मृत्यु हुनसक्ने बताइरहेका छन्।
अमेरिका, बेलायत, फ्रान्स, जर्मनीलगायतका देशहरुले नभाल्नीको उपचारलाई लिएर चिन्ता व्यक्त गरिरहेका छन्।
अमेरिकी राष्ट्रपति जो वाइडेनले नभाल्नीको उपचार पूर्ण रुपमा ‘गलत र अपर्याप्त’ रहेको बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
