काठमाडौं- लुम्बिनी प्रदेशका मुख्यमन्त्री शंकर पोखरेलले आफूविरुद्ध अविश्वास प्रस्तावमा समर्थन जनाउने जनता समाजवादी पार्टीका तीनसहित चार जना सांसदलाई मन्त्री बनाउने भएका छन्।
जसपाका ६ सांसदमध्ये विजयबहादुर यादव, सन्तोष पाण्डे, कल्पना पाण्डे र समन रायमाझीलाई मन्त्री बनाएर आफ्नो पक्षमा पार्न लागेको जसपाका एक नेताले बताए।
मुख्यमन्त्रीविरुद्ध कांग्रेस, माओवादी केन्द्र, जसपा र जनमोर्चाले संयुक्त रूपमा सोमबार अविश्वास प्रस्ताव दर्ता गराएका छन्। अविश्वास प्रस्ताव दर्ता गराएलगत्तै पोखरेलले जसपाका चार सांसदलाई मन्त्री बनाउने तयारी गरेको जसपाका एक सांसदले बताए।
चार सांसदमध्ये कल्पना पाण्डे तत्कालीन राजपा पक्षकी हुन्। अरु तत्कालीन समाजवादी पार्टीका सांसद हुन्। जसपाका ६ जनामध्ये ४ जनाले मन्त्री पद पाएपछि पोखरेलेतिरै लाग्ने देखिएको छ।
लुम्बिनी प्रदेशमा कुल ८६ सांसदमध्ये एमालेका ४१ जना सांसद छन्। जसमध्ये ९ जना माधवकुमार नेपाल पक्षका सांसद छन्। नेपाल पक्षका ९ मध्ये २ जना पोखरेलको विरुद्धमा खुलेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766044568.png)
-1766043564.jpg)
-1766036649.png)
-1764146706.png)
-1763721444.png)
