काठमाडौं- कोकाकोलाको दीर्घकालीन साझेदार कोकाकोला र हिमालयन क्लाइमेट इनिसिएटिभ (एचसीआई)ले हिमाल सफाइ अभियान-२०२१ को लागि नेपाली सेनासँग हातेमालो गरेको छ।
हिमालयन क्षेत्रलाई सफा राख्न सुरू गरिएको यो राष्ट्रिय सफाइ कार्यक्रमको दोस्रो संस्करण हो। यो कार्यक्रमले हिमालहरूलाई बचाउने, जलवायु परिवर्तनको प्रभावलाई कम गर्ने र छ वटा चुचुरा (सगरमाथा, लोत्से, मकालु, धौलागिरि, पुमोरी र आमादब्लम)लाई सफा गर्ने उद्देश्य राखेको छ।
‘हामी खुसी छौँ कि कोकाकोलाले नेपाली सेना र नेपाल सरकारले देशको गौरवशाली हिमालहरू सफा गर्नका लागि गरेको प्रयासलाई समर्थन गरिरहेको छ,’ हिमाल सफाइ अभियान-२०७८ का मिडिया कोअर्डिनेटर लेफ्टिनेन्ट कर्नेल दीपक भण्डारीले भने, ‘हाम्रो लक्ष्य भनेको हिमालको महिमा बहाल गर्न चुचुरोबाट सकेसम्म धेरै फोहोर उठाउनु हो।’
गत वर्ष नेपाली सेनाको नेतृत्त्वमा कोकाकोला र अन्य सरोकारवालाहरूले सफलतापूर्वक पहिलोपटक सगरमाथा हिमाल सफाइ अभियान सञ्चालन गरेका थिए। उक्त अभियानको माध्यमबाट सगरमाथाबाट चार हजार ८९२ किलो र सगरमाथा बेस क्याम्पबाट पाँच हजार ६९४ किलोको फोहोर संकलन गरिएको थियो।
‘हिमालय क्षेत्रको चुचुरो सफा गर्ने यस जरुरी कामका लागि समान विचारधाराका साझेदारहरूलाई एकजुट गराउने नेपाली सेनाको प्रयासको हामी प्रशंसा गर्दछौँ,’ बोटलर्स नेपाल लिमिटेडका प्रबन्ध निर्देशक प्रदीप पाण्डेले भने, ‘अनुकरणीय संयुक्त प्रयासको हिस्सा हुन पाएकोमा हामी सम्मानित छौँ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
