तस्बिर : प्रधानमन्त्रीको सचिवालय।
काठमाडौं- नेकपाका महासचिव नेत्रविक्रम चन्द ‘विप्लव’ले प्रधानमन्त्री केपी शर्मा ओलीलाई भेटेर आफ्ना नेता/कार्यकर्ताको रिहाइ र मुद्दा फिर्ता कहिले हुन्छ भन्दै प्रश्न गरेका छन्।
सरकार र विप्लव पक्षबीच सहमति भएको झण्डै २ महिना पुगिसक्दा पनि नेता/कार्यकर्ताको रिहाइ र मुद्दा फिर्ताको प्रक्रियामा ढिलाइ भएपछि ओलीलाई भेट्न विप्लव आइबार बिहान ११ बजे बालुवाटार गएका हुन्।
नेता/कार्यकर्ता रिहा र मुद्दा फिर्ताका विषयमा विप्लवले ओलीलाई यसअघि दुई पटक भेटेर आग्रह गरिसकेका छन्। सहमति भएको लामो समय हुँदा समेत नेता/कार्यकर्ता रिहा र मुद्दा फिर्ता नहुनु दु:खद् भएको विप्लवले बताए।
तर, नेकपा केन्द्रीय सदस्य उदयबहादुर चलाउनेले प्रधानमन्त्री र विप्लवबीच भेटवार्ता भएपनि कुन-कुन विषयमा छलफल भएको भन्ने विषयमा आफूलाई थाहा नभएको प्रतिक्रिया दिए।
सरकार र विप्लव पक्षबीच गत फागुन २१ गते तीन बुँदे सहमति भएसँगै विप्लव पक्ष शान्तिपूर्ण खुला राजनीतिमा आएको थियो। तर, सरकारले सहमति कार्यान्वयन नगरेको भन्दै विप्लव पक्ष असन्तुष्ट बनिरहेको छ। विप्लव पक्षका सचिवालय सदस्य हेमन्तप्रकाश ओलीसहित ५ केन्द्रीय सदस्य १ सय ४३ जना कार्यकर्ता जेलमै छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1793102318.png)
-1786602170.png)
