काठमाडाैं- कुशल भुर्तेल र आसिफ शेखकाे अर्धशतसँगै आयाेजक नेपालले थ्रि नेसन्स कप क्रिकेटमा विजयी सुरुवात गरेकाे छ।
शुक्रबार भएकाे खेलमा नेदरल्यान्ड्सले दिएको १ सय ३७ रनको सामान्य लक्ष्य नेपालले १५ ओभरमा १ विकेटको क्षतिमा पूरा गरेकाे हाे।
नेपालका लागि भुर्तेलले ४६ बलमा ५ चाैका र ५ छक्कासहित ६२ रनकाे याेगदान दिए। यस्तै, शेख ३८ बलमा ४ चाैका र ४ छक्कासहित ५४ रनमा अविजित रहे।
भुर्तेलले ३० बलमा अर्धशतक प्रहार गरेका थिए। नेपालबाट डेब्यू टि२० खेलमा कम बलमा अर्धशतक पूरा गर्ने उनी पहिलो खेलाडी हुन्। यता, आसिफकाे पनि याे डेब्यू खेल हाे।
नेपालबाट सन्दीप जोराले सन् २०१९ मा यूएईविरुद्ध डेब्यू गर्दै ४१ बलमा अर्धशतक पूरा गरेका थिए। यता, कप्तान ज्ञानेन्द्र मल्ल १३ रनमा अविजित रहे।
नेदरल्यान्ड्सका जुलियन डेमेले एक विकेट लिए।
त्यसअघि टियू क्रिकेट मैदानमा टस हारेर पहिला ब्याटिङ थालेको नेदरल्यान्ड्सले निर्धारित २० ओभरमा ४ विकेट गुमाउँदै १ सय ३५ रन बनायो।
नेदरल्यान्ड्सका लागि बास डे लीडेले सर्वाधिक ४१ रन बनाए। उनले ४९ बलमा ३ चौका र २ छक्का प्रहार गरे। यस्तै, इड्वार्ड शाहब ३२ बलमा २ चौका र १ छक्का प्रहार गर्दै ३० रनमा आउट भए।
कप्तान पिटर सिलरले १७ बलमा २ चौका र १ छक्काको मद्दतमा २२ रन जोडे। यता, एन्टोनिअस स्टल २० रनमा अविजित रहे। उनले ९ बलमा २ चौका र १ छक्का प्रहार गरे।
नेपालका लागि सन्दीप लामिछानेले दुई विकेट लिए। उनले ४ ओभरमा २२ रन खर्चिए। त्यस्तै, सोमपाल कामी र शाहब आलमले एक/एक विकेट लिए।
कामीले ४ ओभरमा १३ र आलमले ४ ओभरमा ४५ खर्चिए। यता, करण केसीले ४ ओभरमा २२ रन खर्चे। अभिनाश बोहराले ४ ओभरमा २५ रन खर्चिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
