रमाल्लाह- संयुक्त राष्ट्रसंघीय मानव अधिकार उच्चायुक्तको कार्यालय (ओएचसीएचआर)ले कब्जा गरिएको पश्चिम तटमा रहेका प्यालेस्टिनीबिरूद्ध इजरायली नागरिकले ब्यापक दमन गरेको आरोप लगाएको छ।
बुधबार जारी गरिएको प्रतिवेदनमा सन् २०२१ को पहिलो तीन महिनामा २१० भन्दा बढी हिंसात्मक घटनाहरू भएको उल्लेख छ। यस्तै हिंसामा परी एक प्यालेस्टाइनीको मृत्यु भएको थियो।
‘सन् २०२० मा ओसीएएचएले ७७१ घटना अभिलेखमा राखेको छ। जसमा १३३ प्यालेस्टाइनी घाइते भएका थिए र ९ हजार ६६४ रूख र १८४ सवारी साधनहरुमा षति भएका छन्,’ विज्ञहरूले बुधबार एक विज्ञप्तिमा भनेको छ।
ओएचसीएचआरका अनुसार प्रायः हेब्रोन, जेरूसलम, नाब्लस र रामल्लाहमा क्षति भएको छ। १९६७ देखि उक्त स्थान कब्जा गरिएको छ र सो स्थानमा हिंसात्मक गतिविधि बढेको भन्दै इजरायली सेना र प्रहरीलाई छानबिन गर्न आग्रह गरेका छन्।
अनुसन्धानकर्ताहरुका अनुसार हिंसा मुख्यतया विचारधाराबाट प्रेरित छ। ‘प्यालेस्तिनीहरूलाई डर देखाउन र आतंकित पार्न यस्तो कार्य गरेको देखिएको छ। यसका साथै उनीहरुलाई आफ्नो भूमिमा पुग्न रोक्नको लागि र अरूलाई खेदाउन दबाब दिने गरेको देखिएको छ। उनीहरूले मुख्यतया ग्रामीण भेगका जनताहरुको जीविकोपार्जनलाई लक्षित गरेर पशुधन, कृषि, जग्गा, रूख र घर भत्काउँछन्,’ उनले भने।
मार्च १३ मा हेब्रोनमा भएको एउटा हिंस्रक घटनालाई पनि प्रतिवेदमा समेटिएको छ। जसमा बाबुआमा र आठ बालबालिकासहित १० प्यालेस्टाइनी परिवारमाथि इजरायलीहरुले आक्रमण गरेका थिए जसमध्ये केही सशस्त्र लडाकू सेना थिए।
बालबालिकारूलाई चोटपटक लागेको थियो। उनीहरुको हेब्रोनस्थित एक मेडिकलमा उपचार गरिएको थियो। प्यालेस्टाइन क्षेत्रमा करीव ५ लाख इजरायली २०० भन्दा बढी बस्ती र दर्जनौं छरिएर बसेका छन्।
प्यालेस्टाइनीहरू पश्चिम तट, पूर्वी जेरूसलम र गाजा पट्टीमा आफ्नो राज्य स्थापना गर्न चाहन्छन्। इजरायलले १९६७ को मध्यपूर्व युद्दमा यो क्षेत्र कब्जा गरेको थियो।
‘इजरायली बस्तिहरुले एउटा व्यवहारिक राज्यको रूपमा अस्वीकार गर्दछ। अधिकांश देशहरूले याे बस्तीलाई अन्तर्राष्ट्रिय कानून अन्तर्गत अवैध ठान्छन्,’ वेस्ट बैंकमा सीमित स्वराज्य रहेको प्यालेस्टाइनीले भनेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
