वासिङ्टन- अमेरिकाले आउँदाे चार महिनाभित्र अफगानिस्तानमा रहेका आफ्नाै सैनिक फिर्ता लगिने जनाएकाे छ।
याेसँगै अफगानिस्तानमा रहेका अमेरिकी सेना आउँदो सेप्टेम्बर ११ मा फिर्ता हुने छन्।
‘राष्ट्रपति जाे वाइडेनले अफगानिस्तानमा रहेका बाँकी सैनिकहरू हटाउने र २० वर्षदेखि जारी रहेकाे अमेरिकी युद्द अन्त्य गर्ने निर्णय गरेका छन,’ एक वरिष्ठ प्रशासन अधिकारीले पत्रकारलाई भने।
अमेरिकी राष्ट्रपति जाे वाइडेनले पूर्वराष्ट्रपति डोनाल्ड ट्रम्प प्रशासनले फेब्रुअरी २०२० मा गरेको सम्झौता अन्तर्गत अमेरिकाले अफगानिस्तानमा रहेका सबै २५ हजार सेना फिर्ता लिने प्रतिज्ञा गरेका थिए।
तर, त्यसको केही दिनमा वाइडेनले मे १ सम्म अफगानिस्तानबाट आफ्नो सैनिक फिर्ता गर्न नसकिन बताएका थिए।तोकिएको नयाँ मिति सन् २००१ मा वर्ल्ड ट्रेड सेन्टर र पेन्टागनमा आतंकवादी हमला भएको मितिसँग मेल खाएको छ ।
अमेरिका र नाटोका अधिकारीहरुले तालिबान प्रतिबद्धतामा अडिग रहन र हिंसा कम गर्न असफल रहेको आरोप लगाउँदै आएका छन् । वाइडेनले हतारमा लिएको फिर्तको निर्णयले सेनालाई जोखिममा पार्ने भन्दै उनीहरुले उक्त निर्णय व्यावहारिक नभएको बताएका छन् ।
यता चरमपन्थी संगठन तालिवानीले अफगानिस्तानमा रहेका अमेरिकी सैनिक फिर्ता नगए पुन: सशस्त्र विद्रोह सुरु गर्ने चेतावनी दिएको छ।
गतवर्ष दोहामा भएको सम्झौता तालिवानीले हिंसा त्यागेर अलकायदा जस्ता समूहलाई अफगानिस्तानमा अड्डाका रूपमा प्रयोग गर्न रोक्ने प्रतिबद्धता जनाएको थियो। जसबाट अमेरिका र त्यसका सहयोगी राष्ट्रहरुमाथि लक्षित आक्रमण रोक्न र अफगानी सरकारसँग शान्ति वार्ता गर्ने सम्झौता भएको थियो।
यद्यपि हिंसाले दक्षिण एसियाली मुलुक अफगानिस्तानलाई पिरोल्न छाडेको छैन। पछिल्लो समय अफगानिस्तानमा पत्रकार र सरकारी कर्मचारीलाई लक्षित गरेर आक्रमण भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
