काठमाडाैं- रियल मड्रिडका कप्तान सर्जियो रामोसलाई कोरोना संक्रमण भएकाे छ।
मंगलबार उनकाे कोरोना रिपाेर्ट पाेजेटिभ आएकाे हाे। ३५ वर्षीय डिफेन्डर रामोसले विश्वकपको युरोपियन छनाेट अन्तर्गत कोसोभोविरुद्धको खेलमा चोट बोकेका थिए। पिँडुलामा चोट लागेपछि उनी आराम गरिरहेका थिए। यसै समय उनलाई काेराेना संक्रमण भएकाे हाे।
काेराेना संक्रमणसँगै रामोसले च्याम्पियन्स लिगको क्वार्टरफाइनल प्रतिस्पर्धामा लिभरपुलविरुद्धको खेल गुमाउने भएका छन्।
रियलले १४ अप्रिलमा लिभरपुलविरुद्ध अन्तिम ८ को दोस्रो लेग खेल्दै छ। पहिलो लेगमा रियलले लिभरपुललाई ३-१ गाेल अन्तरले पराजित गरेकाे थियाे।
यसअघि रियल र लिभरपुल सन् २०१८ को फाइनलमा भिडेका थिए। जसमा रियलले ३-१ को जित निकाल्दै उपाधि जितेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
