.jpg)
फाइल तस्बिर
काठमाडौं– सबैभन्दा बढी जाम हुने कोटेश्वर–जडीबुटी सडक विस्तारको एकतर्फी काम अबको एक महिनामा सकिने बताइएको छ।
कोटेश्वरबाट जडीबुटीतर्फ जाँदा दाहिनेतर्फ सबै संरचना हटाएर निर्माणको काम भइरहेको डिभिजन सडक कार्यालय काठमाडौंले जनाएको छ। हालकै गतिमा काम हुँदा अबको एक महिनाभित्र सम्पन्न गर्न सकिने डिभिजन प्रमुख कुवेर नेपालीले बताए। अर्काे दिशामा भने एउटा घरका कारण निर्माणमा ढिलाइ भएको हो।
घरधनीले मुआब्जा रकममा उपभोग क्षेत्रका आधारमा माग गरेका छन् । त्यो घरबाहेक अन्यत्र काम गर्न समस्या नभएको उनले बताए। यो सडकमा तीन लेन थपिएपछि सवारी चाप केही कम हुने विश्वास छ। सडक कार्यालयले निर्माण सुरु गर्नुभन्दा पहिले सडकका दुवैतर्फको निर्माणस्थल खाली गरेको थियो।
देशभरका अधिकांश सडक निर्माणमा त्यहाँ रहेका पूर्वाधार हटाउँदै काम अघि बढाइएको छ। यहाँ भने सडकका संरचना हटिसकेपछि ठेक्का सम्झौता गरिएको थियो। कोटेश्वरबाट जडीबुटीतर्फ लाग्दा देब्रे (उत्तरतर्फ) एक लेन र दाहिने (दक्षिणतर्फ) दुई लेन थप्ने गरी निर्माणस्थल खाली भइरहेको छ।
विमानस्थलको सुरक्षालाई ध्यानमा राखी बाहिरी बार स्थानान्तरण गरिसकेपछि मात्रै अहिलेको बार भत्काइने बताइएको छ।
विमानस्थलले सडक चौडा गर्न सहमति दिएसँगै सडक विस्तार गर्न बाटो खुलेको हो। सडक निर्माणसँगै सो स्थानमा अपाङ्गतामैत्रीसहितको पैदल यात्रुमार्ग र हरियाली क्षेत्र हुनेछ। सडक विस्तारपछि जडीबुटीबाट आएका सवारीसाधन कोटेश्वर हुँदै बालकुमारीतर्फ र कोटेश्वरबाट आएका जडीबुटी हुँदै पेप्सीकोलातर्फ जान रोकिने छैनन्।
चोक नै पार गर्नुपर्दा केही समय रोकिए पनि चोक पार नगर्ने सवारी भने रोकिनुपर्ने छैन । सो सडक आगामी दिनमा मनोहरा पुलसम्म विस्तार गर्ने योजना रहेको डिभिजनले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779634726.png)
-1764146706.png)
-1775812183.jpg)
-1779545841.jpg)
