काठमाडौं- ललितपुर मेयर्स कप टी-ट्वान्टी महिला क्रिकेट प्रतियोगिताको फाइनलमा एपीएफ क्लब र सुदूरपश्चिम प्रदेश टिम खेल्ने भएका छन्। बुधबार भएको खेलमा सुदूरपश्चिम प्रदेशले लुम्बिनी प्रदेशलाई आठ विकेटले हराएसँगै फाइनल पक्का भएको हो।
अंक तालिकामा तीन खेलमा छ अंक बनाउँदै एपीएफले यसअघि नै फाइनलमा स्थान बनाइसकेको थियो। लुम्बिनीविरुद्धको जितसँगै सुदूरपश्चिमको चार खेलमा छ अंक भएको छ। त्यसैले दुई खेलअघि नै फाइनल समीकरण पूरा भएको हो। तेस्रोमा रहेको प्रदेश १ र चौथोमा रहेको ललितपुर मेयर्स-११ को समान दुई अंक छ भने अन्तिममा रहेको लुम्बिनी प्रदेशले अंक जोड्न सकेको छैन।
बुधबार त्रिवि क्रिकेट मैदानमा भएको खेलमा लुम्बिनीले टस जितेर ब्याटिङ रोजेको थियो। जहाँ पूरा २० ओभर खेल्दा नाै विकेट गुमाएर ७२ रनमात्र बनाउन सक्यो। ७३ रनको लक्ष्य सुदूरपश्चिमले १२.३ ओभरमा दुई विकेट जाँदा पूरा गरेको हो।
सुदूरपश्चिमका लागि मञ्जु बोकटीले ३० बलमा २६ रन, रेवती धामीले २२ बलमा १७ रन, विन्दु रावलले २० बलमा १७ रन र कविता जोशीले तीन बलमा चार रन बनाइन्। लुम्बिनीका लागि कृतिका मरासिनीले दुई विकेट लिएकी थिइन्।
यसअघि पहिले ब्याटिङ गरेको लुम्बिनीका लागि नितु भण्डारीले १४ बलमा चार रन, लक्ष्मी चौधरीले २९ बलमा २६ रन, सरस्वती जिएमले १९ बलमा नाै रन, नेरी थापाले ११ बलमा ११ रन, सरस्वती पुनले आठ बलमा दुई रन, वर्षा रानाले १८ बलमा आठ रन र एलिशा केसीले नाै बलमा तीन रन बनाएका थिए।
सुदूरपश्चिम प्रदेशका लागि लक्ष्मी साउदले चार, रितु कनौजियाले तीन तथा सुनिता लुहार र कविता जोशीले एक/एक विकेट लिएका थिए। सुदूरपश्चिम प्रदेश र एपीएफबीचको फाइनल खेल शनिबार हुनेछ। त्यसअघि बिहीबार बिहान ललितपुर मेयर्स-११ र प्रदेश १ तथा दिउँसो एपीएफ र लुम्बिनीबीच लिगचरणका खेल हुने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1789646487.jpg)
-1786602170.png)
