काठमाडौं- नेकपा (एमाले)का उपमहासचिव घनश्याम भुसालले सर्वोच्च अदालतको फागुन २३ गतेको फैसलापछि आफूहरूले दलका उपनेता सुवास नेम्वाङलाई प्रधानमन्त्री बनाउने प्रस्ताव गरेको बताएका छन्। तर, त्यसलाई ओलीले नमानेको उनको भनाइ छ।
सोमबार नेपाल लाइभसँगको अन्तर्वार्तामा उनले आफ्नो प्रस्तावमा ओली समूहकै दोस्रो तहका नेताहरू तयार भएको पनि खुलाए। 'तर, ओलीजीको रोग के छ भन्दाखेरी आफू भएन भने, आफ्नै गुटको पनि हुँदैन', भुसालले भने।
नेम्वाङलाई प्रधानमन्त्री बनाएको भए वाम सरकार निरन्तर रहने स्थिति बन्ने उनको भनाइ छ। 'हाम्रो पार्टीमा त विवाद नै रहँदैनथ्यो। एकीकृत पार्टी विभाजित भएर पनि वाम सरकार रहन्थ्यो। वाम गठबन्धन रहन्थ्यो। भोलिका लागि एकताको उत्तिकै सम्भावना २३ गतेको फैसलापछि पनि बाँकी थियो। ओलीले त्यो पनि दिनुभएन', उनले भने।
भुसालले ओलीको हिसाबले पार्टी फुटिसकेको बताए। आफूहरूलाई एमाले रहेनौं भनेर नै ओलीले पार्टीबाट निकालेको उनको भनाइ छ। तर, आफूहरूले पार्टी फुट्न नदिने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788264467.png)
-1786602170.png)
-1786513116.png)
