माधव नेपाल पक्षीय भेलाको जोड- वामपन्थीकै सरकार निर्माण

राजनीति

नेपाल लाइभ बुधबार, फागुन २६, २०७७ १९:१६

काठमाडौं- नेकपा एमालेका वरिष्ठ नेता माधवकुमार नेपाल पक्षको केन्द्रीय सदस्यहरूको भेलामा वामपन्थीकै सरकार कायम राख्न जोड गर्ने विषयमा छलफल भएको छ। तत्काल एमाले र माओवादी केन्द्रको एकता सम्भव नभएपनि वाम एकताका लागि पहल गर्ने विषयमा अधिकांश सदस्यहरूले धारणा राखेका हुन्।

काठमाडौंमा बुधबार गरिएको भेलाले एमाले पार्टीलाई एकताबद्ध र बलियो बनाउन आ-आफ्नो तर्फबाट भूमिका निर्वाह गर्ने विषयमा पनि छलफल भएको छ। पार्टीलाई परिवर्तित परिस्थितिअनुसार अघि बढाउन अध्यक्ष केपी शर्मा ओलीलाई केन्द्रीय कमिटी बैठक बोलाउन आग्रह गर्न पनि केन्द्रीय सदस्यहरूले माग गरेका छन्।

‘हामीले पार्टीलाई बलियो बनाउँदै एकताबद्ध बनाएर अगाडि बढाउने निर्णय गरेका छौं। कसरी पार्टी अघि बढाउने निर्णायक भूमिका उहाँकै हुन्छ,' केन्द्रीय सदस्यको भेलामा सहभागी नेपाल पक्षका नेता रघुजी पन्तले भने, 'आफू अन्तरगतका कार्यकतालाई विचारमा जुझारु तर अन्य कुरामा संयमित हुन आग्रह समेत भेलाले गरेको छ। संघर्ष पनि एकतालाई ध्यानमा राखेर गर्न सवै नेताकार्यकर्तालाई आग्रह गर्छाैं।’

नेता पन्तले प्रतिनिधि सभा विघटन गरिएपछि आ–आफ्नै दृष्टिकोण र विचार भएपनि अब ती बिर्सेर अघि बढ्नुपर्ने धारणा राखेको उल्लेख गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धरहरा चढ्न सरकारले तोक्यो शुल्क, अन्य शुल्क कति?

लुम्बिनीमा हजार बुद्ध गुम्बा निर्माण

निर्वाचन प्रचारमा १० भन्दाबढी झण्डा र चुनाव चिह्न प्रयोग नगर्नु :निर्वाचन आयोग