काठमाडाैं–जनता समाजवादी पार्टी नेपालले संसदीय दलको बैठक बोलाएको छ। मंगलबार दिउँसो १ बजे बस्ने संसदीय दलको बैठकमा देशको पछिल्लो रानजीतिक घटनाक्रमबारे छलफल हुने जसपा नेता केशव झाले जानकारी दिए।
बैठकमा संसदमा कसरी प्रस्तुत हुने भन्नेलगायत समग्र राजनीतिक परिस्थितिबारे छलफल हुने उनको भनाइ छ। सर्वोच्च अदालतको पछिल्लो फैसला र देशको बदलिदो अवस्था बारेमा छलफल हुने बताइएको छ।
यसका साथै संसदमा जसपाले खेल्ने भूमिका र पार्टीको विधान लगायतका विषयमा समेत छलफल हुने नेता झाले बताए।
सर्वोच्च अदालतले नामको विषयमा फैसला गर्दै एमाले र माओवादी केन्द्रलाई पुरानै अवस्थामा फर्काएसँगै भावी सत्ता समीकरणमा कांग्रेस र जसपा निर्णायक देखिएका छन्। बैठकमा सत्ता समीकरणका विषयमा समेत छलफल हुने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1677243823-1775234234-1789571125.jpg)
-1786602170.png)
