काठमाडौं- नेकपा एकता राष्ट्रिय अभियान सञ्चालन गरिरहेको वामदेव गौतम समूहले ‘सम्मानजनक रुपमा’ नेकपा एमालेमा फर्किने निर्णय गरेको छ। सोमबार बसेको उपलब्ध नेताहरूको बैठकले सर्वोच्च अदालतको फैसलासँगै एमालेमा फर्किने निर्णय गरेको हो।
सोमबार बिहान ११ बजेदेखि दिउँसो १ बजेसम्म बैठक बसेको थियो। ‘सम्मानजनक ढंगले एमालेमै फर्किने र त्यता गएर पनि कम्युनिस्ट आन्दोलनको एकतामा जोड दिने निर्णय भएको छ’, वामदेवनिकट एक नेताले भने।
ऋषिराम कट्टेलको मुद्दामा फैसला सुनाउँदै आइतबार सर्वोच्च अदालतले सत्तारुढ नेकपालाई दर्ता नै नभएको र साविक एमाले एवं माओवादी केन्द्र पूर्ववत् रुपमा रहेको उल्लेख गरेको थियो। अदालतले नेकपा नाम कट्टेलको पार्टीको हुने फैसला सुनाएको थियो।
पहिले नै दर्ता भएको नाममा एमाले र माओवादी एकीकरण हुन नसक्ने भन्दै अदालतले एकता गर्न चाहे राजनीतिक दल सम्बन्धी व्यवस्था अनुसार फेरि प्रक्रिया थाल्न भनेको थियो। विभाजनउन्मुख रहेको सत्तारुढ नेकपा अदालतको फैसलापछि पूर्ववत् रुपमा फर्किएको छ।
सोमबार मात्रै नेकपाको प्रचण्ड-माधव पक्षको स्थायी कमिटी बैठक बसेको थियो। अहिलेलाई नेकपाका रुपमा आजको बैठक नै अन्तिम हुनसक्ने बैठकपछि प्रवक्ता नारायणकाजी श्रेष्ठले बताएका थिए।
नेकपाको प्रचण्ड-माधव पक्षमा रहेका माधवकुमार नेपाल समूहका नेताहरु पनि एमालेमै फर्किने भएका छन्। उनीहरूले एमालेभित्रैबाट ओलीविरुद्ध संघर्ष गर्ने बताएका छन्। साविक एमालेमा झलनाथ खनाल र माधवकुमार नेपाल वरिष्ठ नेता थिए भने वामदेव गौतम उपाध्यक्ष थिए। गौतम एमालेका उपाध्यमध्येका वरिष्ठ हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786875773.jpg)
-1786602170.png)
-1786513116.png)
-1788425345.png)
