काठमाडौं- सहिद स्मारक बी डिभिजन लिग फुटबलमा सातदोबाटो युथ क्लबको अपराजित यात्रा रोकिएको छ। मध्यपुर युथ एशोसियसनले सातदोबाटोलाई २–१ ले हराएसँगै सातदोबाटोको ९ खेलको अपराजित यात्रामा विश्राम लागेको हो।
एन्फा कम्प्लेक्सको मैदान सातदोबाटोमा साेमबार भएको खेलमा मध्यपुरको जितमा कैलाश लामिछाने खत्री र सन्नी लामाले गोल गरे। यता सातदाेबाटाेका लागि माल्दिन आङथुपुले सान्तवना गाेल फर्काए।
खेलकाे २९औँ मिनेटमा कैलाशले गर्दै मध्यपुरलाई अग्रता दिलाएका थिए। तर ५०औँ मिनेटमा माल्दिनले बराबरी गोल फर्काए।
त्यसकाे ८ मिनेट पछि नै सन्नीले गाेल गर्दै पुन: मध्यपुरलाई अग्रता दिलाए। बाँकी समय गाेल हुन नसक्दा मध्यपुरले खेल २–१ ले जित्याे।
यसअघि मध्यपुरले लिगमा ९ खेलमा ३ खेल मात्र जितेको थियो। सातदोबाटोलाई हराएसँगै मध्यपुरको १० खेलमा १३ अंक भएको छ।
शीर्ष स्थानमा रहेको सातदोबाटोको १० खेलमा २५ अंक रहेको छ। यसअघि सातदोबाटोले ८ खेल जितेको थियो भने एक खेल बराबरी खेलेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
