नयाँ दिल्ली– कोराेना महामारी पछिको अर्थतन्त्र चलायमान बनाउन भारतीय व्यवसायीहरुले नेपालमा लगानी गर्न आफूहरु आतुर रहेको बताएका छन्।
भारतीय वाणिज्य एवं उद्योग महासंघ (फिक्की)ले केही दिनअघि नयाँ दिल्लीमा नेपालका आर्थिक पत्रकारसँग गरेको अन्तरक्रियामा यस्तो धारणा राखेका हुन्। त्यसका लागि उपयुक्त वातावरण सिर्जना गनुपर्ने उनीहरूले बताएका छन्।
भारतीय व्यवसायीहरुले निजी क्षेत्रबाट साझा रुपमा लगानी गरेर व्यापार बढाउनका दुई देशका व्यवसायीले मार्गचित्र (रोडम्याप) बनाउनुपर्ने उनीहरु तर्क छ।
भारतीय व्यवसायीहरुले नेपालमा पछिल्लो समय लगानी तथा व्यापार बढीरहेको प्रतिक्रिया दिएका छन्। परम्पारगत छिमेकी मुलुक भएकाले पनि पछिल्लो समय भारतीय निजी लगानी नेपालमा बढीरहेको र यो अझै बढ्ने उनीहरुको विश्वास छ।
भारतीय उद्योगी, व्यवसायी नेपालमा लगानी गर्न इच्छुक रहेको एस ट्याकटर तथा कन्सट्रक्सन इक्विपमेन्टका सिओओ अशोक अनन्थरमनले बताए।
काेराेनापछि पहिलो ‘फिजिकल मिटिङ’ नेपालका पत्रकारहरुसँग गर्दै व्यवसायीहरुले नेपाल र भारतबीचको क्रसबोर्डर व्यापार नयाँ उचाईमा पुगिरहेको र अझै साझा लगानी र व्यापारमार्फत सार्क क्षेत्रमा संयुक्त फाइदा लिनुपर्ने बताएका हुन् ।
फिक्की साउथ एसिया क्षेत्रिय परिषदका अध्यक्ष एवं महिन्द्रा एण्ड महिन्द्रा गु्रपका मनोज चुगले पानी र उर्जामा नेपाल र भारतले गर्न सक्ने संभावना धेरै रहेको बताउँदै साउथ एसियामा पहिलो पटक क्रसबोर्डर पाइपलाइनमार्फत पेट्रोलियम पदार्थ आयात निर्यात भएको छ, यस्तो प्रकार अरु संभावना अझै भएकाले साझा रोडम्याप बनाउनु पर्ने तर्क गरेका थिए।
अनन्थरमनका अनुसार लगानीका लागि उपयुक्त नीति र वातावरण तयार गर्नुपर्छ। भारतका डेढ सयभन्दा बढी ठूला कम्पनीले नेपालमा लगानी गरिरहेको अर्का भारतीय व्यवसायी राजन मल्होत्राले बताए। नेपालमा लगानीको वातावरण बन्दै गएकाले लगानी बढाइरहेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1792292945.webp)
-1786602170.png)
