काठमाडाैं- श्रम, रोजगार तथा सामाजिक सुरक्षा मन्त्री गौरीशंकर चाैधरीले सर्वाेच्च अदालतको फैसलाले आफूलाई भन्दा माधवकुमार नेपाल पक्षका नेताहरुलाई समस्या हुने बताएका छन्।
पुष्पकमल दाहाल ‘प्रचण्ड’ र माधवकुमार नेपाल पक्षबाट ओली पक्षमा गएपछि मन्त्री भएका पूर्वमाओवादी नेता चाैधरीले आफ्नो समूहमा छलफल गरेर अघि बढिने बताए। तर, अब माओवादी केन्द्रमै फर्किने विषयमा छलफल भने सुरु नभएको उनको भनाइ छ।
सर्वोच्च अदालतको फैसलापछि नेपाल पक्षलाई प्रचण्ड वा ओलीपक्ष दुवै पक्षमा लाग्न उत्तिकै समस्या हुने चौधरीले बताए। ‘अदालतले भर्खरै फैसला गरेको छ। अब छलफल हुन्छ। अदालतको फैसला कार्यान्वयन गर्ने छँदैछ।’
‘अदालतको निर्णय मान्दिनँ वा विरोध गर्ने भन्ने कुरा भएन’, नेपाल लाइभसँग कुरा गर्दै चाैधरीले भने,‘अब कसरी जाने भन्ने भन्ने विषयमा यतापनि आफ्नो पक्षमा छलफल होला। त्यसपछि डिसिजन हुन्छ।’
ओली पक्षमै हुँदा सांसद पद नरहने भएपछि त्यस विषयमा समेत छलफल हुने चौधरीले बताए। सबै राजनीतिक घटनाक्रमलाई हेरेर एमालेमा हुने वा माओवादीमा जाने भन्ने विषयमा केही दिनभित्रै निर्णयमा पुग्ने चैधरीले बताए।
माओवादी समूहबाट टोपबहादुर रायमाझी, प्रभु साह, लेखराज भट्ट ओली पक्षमा लागेका छन्। उनीहरु माओवादीमै नफर्किए सांसद पद खारेज हुने प्रावधान छ। मणि थापा र दावा तामाङ सांसद नभएकाले जता भएपनि कुनै समस्या नहुने भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787457387.png)
-1786602170.png)
-1786513116.png)
