काठमाडौं- संसद बाहिर रहेका चार कम्युनिस्ट पार्टीको रणनीतिक मोर्चाको बैठक बस्दैछ। रणनीतिक मोर्चाले पहिलो चरणका संघर्षका कार्यक्रम सकेपछि दोस्रो चरणका कार्यक्रमका विषयमा छलफल गर्न बैठक बस्न लागेको हो।
बैठक कुपणडोलमा रहेको नेकपा क्रान्तिकारी माओवादीको नेवा राज्य कार्यालयमा केहीबेरपछि बस्नेछ।
प्रतिबन्ध फुकुवा भएपछि नेकपा महासचिव नेत्रविक्रम चन्द ‘विप्लव’ समेत बैठकमा सहभागी हुने भएका छन्। यअघि नेकपा क्रान्तिकारी माओवादी महासचिव मोहन वैद्य, वैज्ञानिक समाजवादीका संयोजक विश्वभक्त दुलाल 'आहुति', नेकपा अध्यक्ष ऋषि कट्टेल बसेर छलफल गर्दै आएका छन्।
यसअघि 'विप्लव' नेतृत्वको नेकपा प्रतिबन्धित भएकाले उनीनिकट नेताले गोप्य रुपमा सहभागिता जनाउँदै आएका थिए। अब प्रतिबन्ध फुकुवा भएपछि स्वयं 'विप्लव' नै छलफलमा सहभागी हुने बताएको छ।
‘आज रणनीतिक मोर्चाको बैठक बस्छ विगतका कार्यक्रमको समीक्षा हुन्छ। अब हुने संघर्षका कार्यक्रमका विषयमा छलफलगरी होला’, नेकपा अध्यक्ष ऋषिराम कट्टेलले भने ,‘छलफलमा निर्णय भएपछि मात्रै संघर्षका कार्यक्रम सार्वज्निक हुन्छन्।’ 'विप्लव'ले सरकार पक्षको नेकपासँगै सहकार्य हुन सक्ने बताएकाले त्यस विषयमा समेत छलफल हुने बताएको छ।
प्रधानमन्त्री केपी शर्मा ओलीले प्रतिनिधि सभा विघटन गरेपछि संसद बाहिर भएका चार कम्युनिस्ट पार्टीले एकता गर्नेगरी रणनीति मोर्चा बनाउने निर्णयमा पुगेका थिए।
चार कम्युनिस्ट पार्टीको रणनीतिक मोर्चाको घोषणा माघ २८ गते काठमाडौंको प्रज्ञा भवनमा गरिएको थियो। घोषणा सभामा पहिलो चरणमा देशका विभिन्न तीन शहरमा आमसभा गर्ने निर्णय गरेका थिए। जसअनुसार धनगढी, बुटवल र इटहरीमा आमसभा गरिसकिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772680982.png)
-1764947412.jpg)
-1764146706.png)
