काठमाडौं– अस्ट्रेलियाले घरेलु टिम न्युजिल्यान्डविरुद्धको टि–२० क्रिकेट सिरिजको चौथो खेलमा जित निकालेको छ। शुक्रबार भएको खेलमा अस्ट्रेलियाले न्युजिल्यान्डलाई ५० रनले पराजित गरेको हो।
१५७ रनको मध्यम चुनौती पछ्याउँदै ब्याटिङ गरेको न्युजिल्यान्डले १८.५ ओभरमा सबै विकेटको क्षतिमा १०६ रन मात्रै बनाएपछि अस्ट्रेलियाले फराकिलो जित निकालेको हो।
न्युजिल्यान्डका कायल जेमिसनले सर्वाधिक ३० र टिम सेफर्टले १९ रन बनाए। बलिङतर्फ अस्ट्रेलियाका केन रिर्चाडसनले तीन विकेट लिदा ग्लेन म्याक्सवेल, एडम जाम्पा र एस्टन एगरले समान २–२ विकेट लिए।
यसअघि टस जितेर पहिले ब्याटिङ गरेको अस्ट्रेलियाले निर्धारित २० ओभरमा ६ विकेट गुमाएर १५६ रन बनाएको थियो। अस्ट्रेलियाका लागि कप्तान आरोन फिन्चले ५५ बलमा पाँच चौका र चार छक्काको मद्दतमा अविजित ७९ रन बनाए।
त्यस्तै, मार्कस स्टोइनिसले १९, म्याक्सवेलले १८ र माथेव वाडेले १४ रन जोडे। बलिङतर्फ न्युजिल्यान्डका इश सोधीले तीन विकेट लिए।
यो जितसँगै अस्ट्रेलियाले पाँच खेलको टि–२० क्रिकेट सिरिजमा २–२ को बराबरी बनाएको छ। अब सिरिज कुन टिमले जित्छ भन्ने टुंगो भने अन्तिम खेलले लाग्ने भएको छ। न्युजिल्यान्ड र अस्ट्रेलियाको सिरिजको अन्तिम खेल आइतबार हुँदैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
