काठमाडाैं– भारतकाे भारतको उत्तर प्रदेश प्रान्तमा एक निजी अस्पतालको चिकित्सकाे लापरवाहीका कारण गर्भवती महिलाकाे स्वास्थ्य अवस्था नाजुक बनेकाे छ।
गोरखपुरस्थित महुआडीह थाना क्षेत्रको हेतिपुर गोसाई टोला निवासी हरिहर गिरीले पत्नी रेखालाई गत वर्ष अगस्टमा प्रसुती हुन लागेका थिए।
उनले आफ्नी श्रीमतीलाई गौरी बजार चौराहे दिनेश अस्पतालमा भर्ना गरे। जहाँ डा संगीता सिंहले उनको सिजेरियन अप्रेशन गरिन्। रेखाका अनुसार अप्रेशन पछि उनमा पेट दुख्ने र बान्ता हुने समस्या भयाे। यस समयमा डा संगीताले एनीमिया र ग्यास्ट्रिक भएकाे भन्दै उपचार गरिरहे।
नोभेम्बरमा डा संगीता सिंहले उनलाई हर्नियाको रोग भएकाे भन्दै अन्य ठाउँमा हेर्ने सल्लाह दिए। रेखा नोभेम्बरमा गोरखपुर मेडिकल कलेज पुगिन् र त्यहाँ २८ नोभेम्बरसम्म उपचार गर्नका निम्ति भर्ना भइन्। तर त्यहाँ स्वास्थ्यमा कुनै सुधार भएन।
रेखाका पति हरिहरका अनुसार यस अवधिमा उनले लखनऊमा आफ्नी श्रीमतीको उपचार पनि गरे। जनवरी २ मा रेखाको अवस्था बिग्रँदा गोरखपुरको निजी अस्पतालमा भर्ना गरिएको थियो।
त्यहाँ डाक्टरले पुन: अप्रेशन गरे र पेटबाट तौलिया निकाले। हरिहरका अनुसार अप्रेशनकाे क्रममा डाक्टरले रेखाकाे पेटमा तौलिया राखेर टाँका लगाएका थिए। जब महिलाको अवस्था बिग्रन थाल्यो तब उनले अस्पताल लगेका थिए।
पहिलो अप्रेशनमा लापरवाही हुँदा रेखाको पेटमा संक्रमणको फैलिसकेकाे थियाे। जसको कारणले उनको शरिरका धेरै भागहरू काटेर बाहिर निकाल्नु पर्याे।
हाल उनको पेटमा संक्रमण पूर्ण रूपमा ठीक भएको छैन र उनको अवस्था गम्भीर रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
